OMUTHIYA-Ehangano lyomakwatathano gopangodhi (MTC), olya patulula omiyelo omipe kOmuthiya moshitopolwa shaShikoto.
Oshitayi shoka osha patululwa shiwike shazi ko mo moshiwike moka natango MTC okwa patululwa oshitayi oshipe shili moshikandjogololo shaSamora Machel moWindhoek, mepandaanda lyaGreenwell Matongo.Minista gwomauyelele nomakwathano nuutekenika wopaungomba Emma Theofelus okwa ti, omakwatathano oga simana, onkene oga pumbiwa oku a ndjaneka uuyelele.
“Otandi popi nenyanyu kutya MTC nguka okwa patuluka nena omolwa aakalimo yomoshitolwa muka, mboka yali ya gandja omakemo gawo, ngoka twa thikitha sigo ga tulwa miilonga, nena ose mbaka,’’ ta popi ngaaka.Theofelus okwa pandula wo MTC sho a tula miilonga omanyenyeta goshigwana meendelelo opo yaa hinge noku lefa yaka mone omayakulo ko kule.
Omupopiliko gwehangano lyoMTC Erastus Nekundi okwa ti, sigo ompaka oya patulula iitayi yathika po 37 moshilongo ashihe. Nekundi okwa popi kutya okueta omayakulo popepi noshigwana oshili oshinakugwanithwa shaMTC.
“Otwa li twa lopotelwa kutya oshigwana osha kala tashika mona omayakulo kOndangwa oshoka mOmuthiya ka muna oshitayi shoMTC, sho shoka twa tokola okuhwepopaleka onkalo nokueta MTC nguka nena mpaka,” ta popi ngaaka.
Esiku ndyoka oshigwana oshali sha gongala mengathithi, yamwe taya pandula sho ya etelwa oshitayi sha MTC popepi.
Markeus Johannes omukalimo gwomOmuthiya okwa ti osha kala oshidhigu okulefa okuya kOndangwa oku ka ningulula oka kalata ngele ya kanitha ongodhi, shoka sha kala tashi yathimike okulundula oonomola dhilwe kaadhishi dhoMTC.
“Oyendji oya iyadha taya longitha oonomola dhoTN oshoka kayena mpoka taya ningulula uukalata woMTC, wo uukalata ihau landwa we momapandaanda,” ta popi ngaaka. Omukulupe gwomimvo 73 Selma Shiyagaya ngoka a li momukweyo ta landa ongodhi ye okwa ti, okwa kala a hala oku landa ongodhi ethimbo ele ihe ka kwali ena mpoka ta vulu okulanda.
“Onduuvite nawa sho nda mono ongodhi yandje yo peke, nena otandi ka dhengela aamwandje yeli kuushimba,” ta popi ye ta imemeha mo. MTC esiku ndyoka okwali a gandja omagano koositoma dhe adhihe dha landa sha.
vkaapanda@nepc.com.na