Mtc maris kavageve nye egano lyawo lyokomeho asi ngapi vana kukariugana eyi kavayitambekere kwaMinistera gonombudi magwanekero nounkurungu, Emma Theofilus. Kampani zina kara asi zoyimaliwa ntani kwakara asi munona gona gwaMTC Namibia, MTC maris sinkwa ntani kavakadingwire ministera negano lyokamulikida ngesefa zompe, awo kuna hara eruganeno kumwe omu nye ngano vana kuza komeho mokutjingisa sirongo setu, nomu nasiruganesa nongondi damo.
Sigendo esi kasigendesere musipundi gwawo Jerome Namseb, awo simpe kavakahundilire asi vana hara kuruganena kumwe noministeli mokupitira melikwamo eli vana kutumbura asi Hackathon zokuronga kuhamena kuruganesa simaliwa, nokuruganena kumwe nono department depangero omu vana hara epangero liruganesa nonkodi pokufuta nkenye eyi.
Meho zokutanta asi nakukakra e-money moNamibia yiko tuna yuka ngesi. Yii ose kuna kukeverera nye yangesi,yipo asi nyamwetu twahepa kukara pevango lina wapa komeho oko. Yina kara mulyo unene, asi ose kuna kuhameseramo nombunga dononene ngwendi epangero kupitira moministeli zomapukururo nounkurungu.
Morwa ose ngesi kuna hara Namibia akare nage gumwe pevango lyokuzeruka unene mokuruganesena magwanekero nago peke.
Koruha rwendi nye age Emma Theofelus katumbwire ngesi, asi pana kara hepere asi twahepa kurugana eyi nayininkisa vantu vatuhuguvare unene mokuruganesa nongodi mokurundurura simaliwa.
Twahepa nye kutameka kurugana unene nokutantera vantu asi yinke kuna karere malikisaukiro nokutanta asi morwa magwanekero paereka yiyo yimwe yina kuninkisa vantu vazumbanesa yimaliwa yawo.
Ezi vatulire paveta mwaOctober 2024, MTC Maris kuna kara asi kuruganesa unene funguna mokufuta nkenye nomuhena navapungura silinga zawo monofunguna dawo.
Eyi kuna kuvatera nye vantu vakara asi aw okapi avatwara silinga zawo kombanga makura kuyitura tupu nye mofunguna, eyi nye nayivaninkisa vafute ndi varande nkenye eyi vana hara kuranda, kufuta poopo yimaliwa, ntani kuvhura kuyituma kwagumwe posiruwo sooso, nayinye oyo kapi yina pumbwa omu twadiva asi ngapi notwara yimaliwa kombanga.