Okahao – Omahangano o MTC oshoyo MVA Fund okwa kufilwako omambale kovahongi oshoyo ovahongwa vokofikola yaShaanaika Nashilongo, eshi va tungila ofikola eengulu doku hongelwa dili hetatu.
Nonande ofikola yakala ina eengulu omu hamu longelwa ovanafikola ava, ovanafikola ova kala hava kala meengulu vafinanamo shaashi, ofikola oyo imwe hai kala ina omwaalu wonafikola vahapu, nova pitilila moshitukulwa.
Pefimbo leyandjo leengulu dofikola, umwe womovakulunhu vehangano loMTC Tim Ekandjo, okwa ti oshikumungu shoku tunga eefikola opoloyeka yonomwena wina, inasha noku o kwafa eefikola dokoushai.
“Fiyo opapa opoloyeka oya manako oitukulwa aishe ili o 14 moshilongo, omo twa kendabala oku tungila efikola eengulu dili 61, no twaleela ashike tuka manife koshitukulwa shaErongo oshoyo Khomas,” ta ti.
Okwa twikila kutya konima shima vamane oku tunga eengulu dofikola edi, ota vaka katameka oku kwafa eefikola neemhumbwe di hefi omatungo.
Ekandjo okwa ti fiyo opapa ehangano lavo ola longifa eemiliona N$18 mopoloyeka ei.
Omukulunhu wokoshikondo shomauyelele mehangano lo MVA Fund Jonh Haufiku, oo naye ali peyandjo leengulufikola okwa ti, oshikumungu eshi shepangelo tali kwafa okaana oka Namibia oshikumungu shafimana, shaashi ota shi ulike elitulemo lepangelo meenghalamwenyo dounona vofikola.
“MVA Fund okwa kendabala oku kwafa ofikola ei no N$ 500 000, opo eengulu edi di dule oku etwapo, nonghee ohandi pula oombushe moilonga, oshoyo omangeshefelo aeshe opedu nopombada etu kwafe, opo a tameke oku kufa ombinga mokuyambidida koshikondo eshi shehongo apa ta adulu,” Haufiku ta yelifa.
Okwa wedapo yoo kutya, oku kwafa ovena oku twikila oku kwafa shaashi ounona unene vokeefikola do ko mikandi, ohava tekulwa nomikalo no nouteku duliko, voo va li ohava kala ve li pakamo mehongo lavo, nonghee ekwafo loludi eli ota li ka kala ekwafo lakula kuvo vahapu.
Omukulunhu fikola, wofikola ya Shaanika Nashilongo Petrus Angala okwa hololela omahango aa olupandu laye linene.
“Ngenokamwalipomunyamukule omakemo etu aa, ngeno katushi apa awila. Otwe li neekela kutya ovanafikola vetu otave ke li honga ve li pakamo, neenghono deni ita di ka
taimihaihambo2000@gmail.com
