EENHANA – Varongwa wosure zaOushakeneno zoPrimere kavakere tavadana morwa ruhafo omu kavapatesere sure sivike sina puko, omu kavakere tazoragana morwa kupatesa vandindire nye mvhura ozo omu kavayimwene asi mvhura ozo sure zawo nazikara nodarate ntani muvero vapateko. Sure ezi kwazitulisapo melikwamo lyepangero vadimburura mavango gamwe gouturo,ano eli kwakara nye momukunda horowero Ongenga nye kapi kwakara matungo gomawa. Sure ezi omu vazitunga hawe kudiworokesa omu vakatako ngavatungu mavango gawo goukwayita nomvhura dina dakapita, makura egano kwawizapo asi vahepa kuwapukurura matungo aga yipo vagatjindje gakare nonkondwarongero.
Mukada Presidente gumwe nye ogu ana kara kawizire negano asi tagavako yiruganesa vawapayiki sure ezi zikare nazo ngwendi moomu dakara nosure nonkwawo omu kageveko darate ntani muvero gokuvhura kuzedira kevango lyosure ezi yipo asi vakeverere ezonaguron emona lyosure ndi asi lyepangero.
Apa kauuyungire pegawo yininke eyi, Nguuru gomukunda Ohangwena, Usko Nghaamwa katente asi mukada Presidente kwarugana unene omu gatokora asi gahepa kuvatera epangero sikatji mukuvatera vanona vetu vana kara asi nompitisili domungura valironge nawa. Vanona vana kara asi nompitisili domungura,vahepa kuvatekura nawa.
yimo ana kutanta mukada Presidente. Mukurona sure Monoka Shiyuka, kapi kavhulire kuhoreka mahodi gendi omu kageve rupandu rwendi apa kamwene darate nayimwe ngoso yokuwapayikisa sure ezi.
“ Nayina ame kuna kara muntu ogu ana hafa morwa sure ezi zina gwana yokuwapayikisa sure rambangako darate, ezi zina kara asi simwe atugazara asi kuzigwana ngapi nonombapira edi dapumbwa posure ezi, ngesi kapi hena natukara noudigu, morwa sure zetu ngesi kuna karako nye darate ntani muvero” yimo ana kutanta Shiyuka.
Vanona vetu ngavagendagura tupu morwa evango kwato darate ntani kwato evero yimo ana kutanta ngoso pepongo. Paulina Shomongula, munasipundi gondango zosure ezi, nagesi kapi kahorekere ruhafo rwendi morwa ngesi vanona ava tavakalirongera nye posure ezi awo vana kara mekeverero. “ Ame kapi nakuyivhura kundindira asi dogoro sure zikapaturuke, morwa ngesi tuna hara vana vetu vayalirongere posure ezi mekeverero lyewa. Ose nye ngovakurona, ngesi twahepa nye kukorangeda vana vetu valironge unene.yimo ana kutanta. Mokukwama mbunga zoUnited Nations,erongo kuna kara ntateko zankenye munona,yipo asi yina kara mulyo unene tuwapukurure nonkondwarongero detu unene konomukunda doponze yipo asi vana vetu vakare nomeho zongwa. Movanona ava 154 vakara posure ezi wokusika ko 111 nonsigwe ntani vanona woruhepo. Sure ezi kwakara noKilo 42, kutunda modoropa zaOshikango ntani kwakara asi kugava erongo kutunda pontambondunge 1 dogoro 7.