KATIMA MULILO – Mukiti wa Papati ya Zambezi ni Kutabela Sizo ki kolo yende ya kutabela sizo sa sikiliti, ni kuikola lico ze munati ni kuleka kwa lipisinisi za mwasikiliti. Nekubulezi meya watolopo ya Katima Mulilo John Ntemwa hana mema batu kaufela kutaha kwa mukiti, otabela silimo sa bulishumi. “Lumema batu kaufela kuto taba ni luna kwa mukiti wa papati ya Zambezi ni ponahazo ya sizo. Mutahe muto ikola swalisano, lika ze shelashelana, ni kuhula kwa sifumu kokufiwa ki sicaba sa luna,” nekubulezi Ntemwa mwangambolo ni New Era.

 Naize batu bakato ikola papati yetumile hahulu ya Zambezi kanako ya mukiti, mi naekelize kuli kukaba ni litapi zeñata zeka fumaneha zeka apehiwa kuli batu bato ishalula. “Balekisi ba mwamakululu bakaba ni kolo yakulekisa libyana zabona zecwale ka zakubeta, lico ni zeñwi cwalo. Teko ya malekisezo ika patalazwa mi lususueza balipisinisi mwasikiliti sa luna kuba ni kabelo,” nabulezi. Mukiti ukamata kuzwa la 4 kuisa la 10 Muyana. 

“Mukiti hape ushangula mikwa sakata ya bundui ni pabalelo ya silalanda. Ki kolo yakuli bayahi ba sikiliti, ikana yaba macaziba bazabupangapanga, baopeli, ni ba apehi kuto supeza litalenta zabona, ili kuzusezapata sizo sa luna ni kolo ya lipisinisi hala bayahi ba Katima Mulilo ni sikiliti,” nabulezi. Mukiti nokile watabelwa lapilli kasilimo sa 2014, mi wafetuha mukiti wa silimo. Kono nolilimanisizwe kulatelela butuku bwa covid-19. Mukiti uka ezahalalela kwa sibaka se sili kwamukulela wanuka ili sesi zibahala ka Zambezi Waterfront.