Nuusita Ashipala
Ongwediva
Mukunda gwaOshana kuna kara noudigu wononkondwa rongero morwa muhoko gwawo kuna kukura eyi yina kutwaredera asi vakare noudigu wononkondwarongero. Mokugwedako kononkondwa rongero, simpe kuna kara asi vana pumbwa evango lyolaborotory ntani evango lyonokomputa. Mukurona gerongo momukunda gwina Hileni Amukana katente asi nonkondwa rongero edi dina karapo ngesi dina kurupa ngesi kuna pumbwa tupu ntudi kudi wapukurura. Amukana kauyungire nonkango edi kuna novakurona merongo momukunda gwina rambangako vagendesi nosure ntani navamwe ava ava vakwatesako merongo.
Epongo eli kakaliuyungisire ministera gona gerongo Anna Nghipondoka. Nokutanta asi udigu ou wononkondwa rongero kuvhura kugazara asi naukasesupa nsene asi sure ezi vana kugazara zaOngwediva secondary school, navazimana ezi zakara asi monomvhura ne dakapita kapi vazimana kuzirugana. Nokutanta asi maudigu aga gana kara konosure ngesi kuna kugarugana. Amukana katente asi nampili ngomu pana kara elikwamo lyokutanta asi nosure vaditakamese hawe ado dawo dina pumbwa kudiwapukurura ntani navawiza kelikwamo lyokudikeverera. Simpe katente asi nosure donosekondere kunakara kwahana mavango gokuvhura kurara vanona omu muna kara asi nosure 14 kapi dakara novango gangoso. Moomo tupu vana kutjanga maoudigu nagenye, mukurona gerongo momukunda simpe katente asi udigu womambo govarongi simpe simwe sina kara navafura kukohononapo. Pwantani ngesi kunakara mambo ntambali govarongi ssimpe kapi vana gamana kugatunga. Mokugwedako, nonkondwarongero dokusika ko 15, vagazarere kudika konyara nomvhura ne dakapita, simpe ngesi kapi vana dimana kuditunga. “ Noprojeka dono nene kapi ava ditara nawa pangendeseso momukunda eyi ayitwaredere asi pakare malirango, yimo ngoso ana kutanta mukurona gerongo momukunda. Udigu umwe vana kara nawo kuna kara tupu asi vanaona kapi vana kulitjangesa konosure dontateko ndi asi dosipilili. Amukana katente asi kuna karapo esesupo sivaro mokulitjangesa vanona vana kuza montambo zokukwamako. Ntani age simpe katente asi sivaro sovanona wokuza montambo ndunge zaune kuna sesupa morwa nampo yeeyi pana wizire erunduruko merongo. Ministeragona nage gumwe ogu ana kara nosinka omu vanaona vana kusesupa kulitjangesa nokupura ntambo zerongo pomukunda valihameseremo unene mokutjanga vanona. Nampili ngomo yina kara ngoso hawe awo vana lituramo unene mokuninka asi erongo momukunda liwape ntani lyahepa kugwana yitundwamo yoyiwa. Ano elikwamo limwe kuna kara mokutara nosure edi adi pilire kutompora yipo asi owo vana kutompora vaze vaka vatere vakwawo. Nghipondoka kayimuhafesere eyi vana turamo malikwamo gokuwapukurura yitundwamo yawo kehagero lyomvhura.