MULILO wa nahen`I no kile wa cisa sanda tuna sa sibaka sa mafulisezo sa Likolo leli okamezi za naheni, sihulu kwa likambe za kubeyela likomu ze lekisezwa kuba kampani ya Meatco.
Simpangaliko se nesi ezahezi mwa munzi wa Omauni bukaufi ni Okongo mwa sikiliti sa Ohangwena.
Kansela mwa silalanda sa Okongo na kile a nitifaza.
Hana kile a ikopanya niba mutayi wa makande wa mwa mazazi a felile, Paulus Mwahanyekange na kile a bulela kuli mulilo no kile wa cisa linkambe za likomu ze likana ze lishumi ka nkambe ili n`wi, muta mulilo u kala kutuka sunda ye felile mi mwa mazazi a sikai kuzwa u tateka ku tuka no sa zwelapili ni likayamana.
Kakuya ka Kansela, limembala za sisole zene zwelela mwa sikiliti sa Kavango kubeya bayahi ba silalanda neba kile ba bona likayamana le mi ka mutundameti wa bona neba kile ba palelwa kutimisa mulilo o, ka mulelo wa kulika kuhanisa kuli u sike wa tuka hape ni kuyambulukelana kwa linkabe zen`wi.
Kansela na kile a bulela kuli mulilo nosa zwelapili feela ku kataza libaka za linkambe isi minzi ye mabapa.
“Limembala za sisole neli nze li lika katata luli kuli li kone ku tusa likomu zen`wi zene linzi mwa linkambe ze, mi ni kali neba kile ba eza musebezi o munde luli wa kulika kutusa likomu za palo ye mwanda,” Kansela mwa manzwi a hae.
Kansela na kile a nyunga toho ya hae ka kubulela kuli ita ba sisitataliso luli mwa bukamuso kwa balimi baba ta lika kubeya likomu za bona mwa linkambe ze kakuli bata ba ni sabo ya kuli mulilo o swana kutwa u esha kapa mane kuikopanya ni butata bwa bucwan`i.
Kuakalezwa kuli batu bene ba kutula kapa kona kulobaka mapolu a matuna a zibahala ka ona matimba ki bene ba kile ba tisa mulilo tuna o.
Linkambe linze li itusiswa kubeya likomu za balimi ba silalanda ni lilalanda zen`wi ili balimi ba bana ni mulelo wa kulekiseza kuba kampani ya Meatco.
Likomu li beiwa ka mazazi a mashumi a mabeli ka lizazi li lin`wi (21).