Iuze Mukube

Kasamulaho akezo yene komokisize nikuhoha maikuto asicaba kwamafelo aviki yefelile, muchaha nafumanwi mulatu wakupwacaula motikala yamubeleki wamubuso, mwa Khuta ye nyinyani mwa Windoko Labubeli. Kezo nekile ya ezahala Lasunda mabapa ni sintolo sesi lekisa milyani. Mwa kezo yene bonahala kuba ya bunyemi, Frans Narib (18) hana bonwi atubuzi sitino anepa motikala macwe, yene pakiñilwe mabapa ni sintolo sesi lekisa milyani mwahala tolopo ya Windoko.

Khuta nefile katulo kasamulaho Narib nabonwi asina siapalo famubili mwamaswaniso asihoho, anepa motikala macwe yamubuso yamufuta wa Mercedes-Benz ili yefilwe kulikwambuyu wazakubeleka Utoni Nujoma. Nekufumanwi kuli nakile afumana likalafo zakupulumuka mwa sipatela mwa Windoko, kakuya kabupaki bwasipatela bone bufilwe kumuatuli mwakhuta yenyinyani Mutafela Likando.

Kulatelela bupaki bo, mutangana naize ukatazwa kikacimacima, mi kamita hanyema hanahani hande. Narib hape nabulelezi Likando kuli uka itumelela mafosisa mwataba yanyazwa kayona.  Nainyazize hape kakubulela kuli na “lobehile pilu” kakubona kuli mahe nanyemisizwe kilikezo zahae. Kutaleleza fa kupo yakuli ayo tatubiwa kisipatela, muzekisi wamubuso Ndina Hamwele naize bazekisi bamubuso bahana kuli alibelele taba yahae kwande kanako ye. 

Kalibaka leo, Likando nafile taelo yakuli Narib ayo tatubiwa, mi naisize taba la 15 Njimwana. Kono, napatalalize kuli mukoloko wababaswanela kuyo tatubiwa mayemo amunahano kiomutelele. Narib nalemusizwe kuli una ni swanelo yakukupa simubuso kuli alibelele muzeko wahae kwande, kanako yacwale usiala mwamazoho amapokola.