Marythar Shimwe
KATIMA MULILO – Museto wa Katima Mulilo ufumani neulo yaofesi yaswalelele kuzwelela kwa kampani ya linzila ya Van Der Walt. Ofesi yenca ingiwa kuli ikabapala kalulo yetuna mwakufukuza palo yalimotikala zalipisinisi zezwa nikukena mwanaha. Ofesi ibakanyizwe hande, mi kuna nilibatiso, ni makompiuta. Museto wa Katima Mulilo nozibahala sapili kamuseto wa Wenela. Andre Van Der Walt kuzwelela kwa kampani yene neuzi ofesi, na sindeketilwe kimubusisi wa sikiliti sa Zambezi Lawrence Sampofu. “Kuzwa silimo sa 2015, museto ubile nikekezo hala bazamai, balipisinisi ni bapoti. Kekezo yeo ikonwa kubonwa hala mukwakwa otaha kwamuseto, hamoho cwalo nikukena mwanaha Zambia,” nekubulezi Sampofu.
Tiyeho mwakutatuba limotikala zalipisinisi ikona kutisa lika zefofaza lipisinisi zecwale kabuhule, kulekisa lino zekola, mi balimotikala zalipisinisi bakaswana babata kufita linzila lisili, mubusisi nabulezi. “Nelubata kutusa hala tiyeho yamibamba, ili yetisa kulyeha mwakutatuba limotikala. Kikafo neluhupuzi kufa tuso,” nekubulezi Antoinette Van Der Walt. Willbroad Poniso, ili mubakweli kumuzamaisi wazamiseto mwa mutulo upa wanaha, naize neulo netile kanako yeswanela, kakuli likamba la Walvis Bay litisize kekezo yalimbayambaya zalipisinis. “Kacwalo niitumela kwakampani yebona zalinzila ya Van Der Walt kwaneulo yaofesi, mi neulo ika imulula mutiyo wamibamba yemitelele kwamuseto wa Katima Mulilo,” nekubulezi Poniso.