MUSHIMANI wa lilimo ze mashumi a mabeli kaze talu (23) na kile a biziwa kwakhuta ya mubusisi mwatolopo ya Gobabis hana zwekisezwa kubata kubulaya ndatahe. Mushimani ya zibahala ka libizo la Rakles Tsuseb u kulubelwa kuli na kile a sabisa bo ndatahe ka mulomo ka manzwi a kuli uta ba bulaya, mwasilimo sale sa 2005. Bo ndatahe ki bo mutompehi Jefat Ugab. Ya akalezwa na kile a tamiwa fahala kweli ya N`ulule silimo se sifelile kasamulaho wa kulika kuli a ikole mukiti wa Ngilisimusi ni bo ndatahe. Mubusisi wa khuta mutompehi Johannes Shuuveni na kile a ‘hata’ pene yene kilwe ya tomiwa kuli I lifiwe ki mushimani kasamulaho wa kutalimisisa linonge zene kilwe za ushulwa ki mushimani nihaike na konilwe kuzwisiwa mwatolongo ka mamela. Muzeko wa hae no kilwe wa sutisezwa mwakweli ya Liatamani ha itaba ni mazazi a lishumi ka a mabeli (12) kuli mapokola ba kone kueza lipatisiso za bona hande mwanako ya cwale. Tsuseb na kile a bulelela mubusisi wa khuta kuli yena na tabela feela kupotela ndatahe mwatolopo ya Gobabis kuli a ikole ni yena mukiti tuna wa lifasi ona wa Ngilisimusi. Kono a mano fita feela mwatolopo, bo ndatahe neba kile ba mubiha kwamapokola kuli na kile aba sabisa kuli uta ba bulaya ni tobolo mwasilimo sale sa 2005. Tsuseb na kile a taluseza khuta kuli a sali kupepwa, bo ndatahe haba sika mutusa kale mwabupilo ibe mashilin`i kapa litino za fa mubisi. Naize na komokile ni kulyangana hahulu kona hana kile aba sabisa cwalo ka mulomo mwasilimo sani. Tsuseb yana kile a hula ni bo mahee mwatolopo ya Otavi na ekelize kubulela kuli kusabisa kwana kile a eza ka mulomo na kueza ka lisheya mi kacwalo na sika nitifaza. Na bulezi kuli na kile a utwa kuli bo ndatahe neba kile ba leka simbayambaya sa se si zibahala ka BMW ili simbayambaya sene si itusiswa kale ki mutu kapa mane batu ba ban`wi. Mutomo wa poto ya hae ya kwatolopo ya Gobabis kakuya ka yena neli wa kukupa mashilin`i kubo ndatahe kuli a kone kunga kosi ya bumapangapanga bwa mihala kwasikolo se sipahami sona sa Polytechnic mwamulenen`i wa Windhoek ko na kile a fumana kale sibaka n`ohola isi kubulaya ndatahe. Na kile a zwisiwa mwatolongo ka mamela ni kubulelelwa kuli ha swaneli kubonana meeto ka meeto ni ndatahe sihulu kwandu. Mushimani u litezi kun`ola tatubo nyana ye eziwangwa ki sikolo sani kwamakalelo a silimo ni silimo kuli bao ba pasa tatubo nyana yeo, ba fiwa sibaka mwamakosi aba ketanga. Muatuli tuyone Hishikushitja ki yana sweli taba ka kuyemela mubuso haa, ya akalezwa yena na kile a yena ka buyena kusina muyemeli wa mulao. – Nampa