Marythar Kambinda
Katima Mulilo – Bayahi basilao sa Nongozi mwasilalanda sa Judea Lyabboloma mwasikiliti sa Zambezi, nebatabile kasamulaho wakukwalulwa kwamusika viki yefelile.
Hana bulela kanako yakukwalula musika muyemeli wasilalanda sa Judea Lyabboloma Humphrey Divai, naize butata bwa butuku bwa Covid-19 bufofalize lipisinisi mwalifasi loote, hamoho cwalo ni mwanaha Namibia.
“Lukwalula musika waNongozi nihakuna ni butata. Lika lika kuta feela sina mone liinezi sapili mwanaha, nihakuna ni sila sesisa bonwi, haluka sebeza hamoho nikuhohela mwalineku liliñwi,” nabulezi.
Divai nabulezi hape kuli kubile ni butata bobuñata isi feela kwa Nongozi kono mwasikiliti kaufela sa Zambezi.
Nabulezi hape kuli likhuta zasizo lisweli kuzinyazinya kufa mubu kuli kutiswe mapurojeki bakeñisa mifilifili yakulwanela mubu. “Kacwalo nibata kuitumela kwasicaba sa Nongozi, khuta ya Mayeyi ni khuta yenyinyani ya Nongozi, bababelekile hamoho kutisa musika wo,” naekelize. Nabulezi hape kuli nihakuna ni shutano yalipolitiki sicaba sina ni kubeleka hamoho kutisa zwelopili. Nabulezi hape kuli ndwa yakulwanisa kutokwa misebezi mwanaha itokwa kutahisa mapurojekiti.
“Kutisa zwelopili mwalibaka zamatakanyani kuinzi mwamazoho aluna. Kacwalo, kikwabutokwa kuswalisana mwakutisa mapurojekiti akatisa zwelopili kwabatu baluna,” nekubulezi muyemeli. Induna wamunzi ni muzamaisi yomuhulu mwakopano ya Swapo Austin Samupwa, naize musika notisizwe kutusa sicaba kubabaza lika zabona. “Selubata kutahisa kikuli, haueza nto yeñwi, muuso uitukiselize kuotolola lizoho nikutusa,” nabulezi.