Auleria Wakudumo 

Musali walilimo zemashumi asilezi kuzwela kwa munzi wa Ombongo mwa sikiliti sa Omusati nawezwi kibulyangelino, mi nalatehezwi masheleñi alikana N$824 050. Kezahalo yeo nebile teñi la 19 Mbuwana 2024 ni la 31 Muyana 2024 kanako yene sika zibiwa mabapa ni sikolo sa kuituta kukwaeza, kwamulaho wasintolo sa Pick ‘n Pay mwa Outapi.

Sibuabui wasipokola mwasikiliti sa Omusati Anna Kunga naize musupali naputelezwi kibabakulubelwa bane baipitisa kuba mapokola, mi ne ba laezi yana uzwelize kukwela mwamotikala yabona. Baputeleli babihiwa kuli neba kupile yana uzwelizwe kuli abafe zana sweli, kungelela cwalo ni foni yahae ni litaba ze ama litaba zapanka.

Nihaike foni yahae neshimbilwe nasikabuza libaka, kakuli nahupula kuli kimapokola. Buizibahazo bwabona nebutisize kuli asike anahana hande, kapa kukupa tuso. Kunga naize babakulubelwa babasika zibahala kale nebakutisize foni yahae la 31 Muyana 2024, kasamulaho akumu uzweza. Nakupile bayahi banaha kuambuka kufa litaba zeba ama.

“Haba swaneli kuikabela litaba zeba ama ni limembala zalubasi nihaike banababona, kakuli batu babali bukaufi bazibahalile kuba bababeteka balubasi kwa masholi, mi zeo lizibahalanga kasamulaho walipatisiso zamapokola,” nekubulezi Kunga. Naelelize hape kuli haiba batu babañwi baizibahaza kuli kimapokola bakupiwe kubaisa kwasiteshini sa mapokola kuyo nitifaza buizibahazo bwa bona.