OMUTHIYA – Malumahe musizana walilimo zene, naswelwi mwakezo kibokukwa musizana abitelela mwanana mwasimu ya mauza, mwatasa kota ya marula. Mubatisisi wasipokola mwasikiliti sa Oshikoto, Mutatubi Yomuhulu Edna Nawa, naize kezahalo yeo ne ezahezi musihali kanako ya 15h00 kwamunzi wa Oniimwandi, mwasilalanda sa Onayena, ili teñi sifosi Gebhard Kalitheni walilimo zemashumi amabeli naswelwi ki musalimuhulu afosana ni mwanana. Yanyazwa natamilwe mi nabonahalile mwa khuta yamuatuli yomunyinyani mwa Ondangwa viki yefelile.Mwakezahalo yeshutana niyeo, Lasabata viki yefelile mwanana walilimo zelobapeli kwa sikolo sa Okalumbu, nabitelezwi ki muuna walilimo zemashumi amabeli kasilisiñwi (21) mwasimbuzi. Nawa naize yanyazwa Fillemon Kasheshe nahohezi mwanana mwasimbuzi nikufosana niyena. “Kezo yesituhu ne ezahezi kanako ya 15h00 kwamunzi wa Engoyi, mi musizana ni banana babañwi neba siilwe banosi mwalapa,” nekubulezi Nawa, naekelize kuli yanyazwa natamilwe mi nabonahalile mwakhuta yamuatuli yomunyinyani mwa Ondagwa Lamubulo.