NKURENKURU – Muunamuhulu walilimo zemashumi asupile kazene natimezi onafo, kasamulaho akutabiwa ni lilumo kwa komponi ya Bravo mwa sikiliti sa Kavango ya Wiko Labulalu. Mutatubi yomuhu wa sipokola Raimbert Muronga naize kezo nebile teñi kanako ya 18h00 mi nyandi nezibahalizwe kuba Kuip Daniel. 

Natabilwe mwa makupo ni mwa mulala. Kukulubelwa kuli nyandi ni ya akalezwa nebapila mwalapa leli swana. Muuna yakulubelwa walilimo zemashumi amalalu kazeloapeli natamilwe. Bahabo nyandi neba lemusizwe mi lipatisiso za mapokola lizwelapili.

Mwa piho yeshutana mwa sikiliti se siswana, muuna walilimo zelishumi kasilisiñwi August Ndimna naipulaile kakuipaheka kwa munzi wa Kakuro kanako ya 07h00 Labune. Muronga naize bahabo neba lemusizwe kalifu la hae. Situpu sa hae nesi isizwe kwa libulukelo la mapokola mwa Nkurenkuru kuyo pazulwa.