RUNDU – Muuna walilimo zemashumi amabeli kazepeli, kuzwelela kwamunzi waMulanga mwasilalo sa Lubuta, mwasikiliti saZambezi, naipulaile kakuikunupa ni tobolo yandatahe.
“Kezo yeo ne ezahezi la 4 Liatamanyi kanako ya20h00 kwamunzi waMulanga. Kukulubelwa kuli Munyingwa Bumai, muyahi wanaha Namibia nasiile ndu yahae kanako ya 11h00 ni tobolo yandatahe, kuliba kwamasimu ni kuyoikunupa,” nekubaleha piho yasipokola.
Situpu sahae, nesikile safumaniwa mwamushitu busihu bwalizazi leo.
Isali mwaZambezi, mapokola nebakwaluzi muzeko wakukwaeza kabusafa, ni kukwaeza motikala kusina liñolo la bukwaezi, kasamulaho muuna walilimo zemashumi amabeli nacaisizwe kimukwaezi yana sina liñolo.
Kezo yeo ne ezahezi Lasabata viki yefelile mabapa ni munzi waMafikeng bukaufi ni mukwakwa waLinyanti-Katima Mulilo, mwasilalo sa Masokotwani.
“Kukulubelwa kuli muuna walilimo zemashumi amane yana kwaeza motikala yesweu yamufuta waNissan Tiida nakwaeza kuzwa Katima Mulilo kuya Kapani hacaisa siezwa. Funwell Maswabi naholofezi hahulu mwatoho kasamulaho akozi. Naisizwe kwasipatela sesituna sa Windhoek kwalikalafo,” nekubulela mapokola.
Yakulubelwa natamilwe lipatisiso zasipokola halizwelapili.