Likolo la tuto lipatuluzi kuli ticele yana lunduzwi fa musebezi Petrus Ndeulita, nazibahala ka mukwa wakufa baituti likoto, ili kalulo yene tisize kulundulwa kwahae. Ndeulita nasiisizwe musebezi kasamulaho apiho yakuli nahapelelize muituti wasitopa sa busupile kunanula sipula mwa halilmu kahola .  Muituti kiha yumba sipula ni kumatela kuyomuhulu wasikolo kuyo bilaela. Maticele ni baituti viki yefelile nebakile bacaula mwa sikiliti sa Oshana, balaela kuli Ndeulita akutisezwe famusebezi kakuli kuzusiwa kwa hae, neli kwa sobozi. Muzamaisi wa likolo la tuto, Sanet Steenkamp mwa sitatimende Labubeli nakenisize kuli yeo nesi foso yapili ya Ndeulita, kakuli lipiho za bupaki bo buli bwa mampampili  ahae libonisa kuli nekuna ni lipiho ze 14 zakufa baituti likoto.

“Ndeuta nafilwe kolo ya kuikalabela pili asika zusiwa kale musebezi, mi kanako yeo nabonisize kuba ni mahanyi mi nahanile kuitumelela mafosisa,” nabulezi. Naize neli ponahazo yakuli nanyazeleza kamaiso, sihulu hakutalimwa kuli uziba kuli kufa baituti koto yebukiti kuhanisizwe. Steenkamp naize mulao ubulela fokusweu kuli maticele bana ni kuitama kaluci habakala musebezi kuli habana kufa baituti likoto zebukiti. Ndeulita naezize buitamo bo la 2 Lungu 2019, kulatelela ni Mulao wa Tuto. Muzamaisi naize mwa silimo sa 2021, piho ya patisiso nefumanwi ki likolo kuzwelela mwa sikiliti kuamana ni “mukwa osika lumelelwa/ kufa koto kwabaituti” yene ama Ndeulita. Nihaike naize nasazibi ze ubulela mulao, kuna ni bupaki bwa kuli nanyatezi buitamo kasamulaho akukena musebezi wabuticele. 

Nahatelezi kuli likolo  lizwelapili kuzwisezapata buitamo bwa kusebeza kalikute ni kaswanelo ni kubona kuli litaba kaufela zakuzekisa mutu lizamaiswa kaswanelo. Steenkamp nabulezi hape kuli Ndeulita haiba uikutwa kuli nazusizwe musebezi kamafosisa ulukuluhile kuisa taba yahae kwa khuta ya mulao. Ndeulita neli ticele wasitopa sa bulobapeli kwa sikolo sa Hashiyana kuzwa silimo sa 2018. –Nampa