ONGWEDIVA – Milelo imwa sikuka kuyundisa limotikala zelonga batu basupile kulatelela lipilaelo za sicaba kuli haliswaneli kulonga batu, nikuli kutunya kwa musi wazona kusilafaza silalanda. Mubakweli muetapili walinzila ni kamaiso mwalikolo la misebezi ni linzila, Damien Mabengano, nabulezi zeo kwamukopano wamazazi amalalu mwa Ongwediva. Mukopano nolela kulemusa sicaba hala mulao oseli kulelwa otalima za linzila za sicaba ni kamaiso ya teñi, nikutahisa milao yezamaisa linzila za sicaba mwa litolopo. 

“Nihakubonahala kuli pisinisi yakulonga batu mwalimotikala zenyinyani ingiwa kuli kona fobapilela batu, haluswaneli kubeela kwatuko taba yaniti ya kuli limotikala zeo halina silelezo kulonga batu. Limotikala zeo limata kufita tikanyo; lilonga kuisa batu hane mwa lizazi misipili ye mitelele kusina kupumula; kona bakwaezi habakatala, ni kutisa likozi za famukwakwa, “ nekubulezi Mabengano. Naekelize kuli,” Lusweli kuikopanya ni bazamaisi ni bababona kuli mulao walatelelwa kuli baye nikutaluseza sicaba zepangahala.”

Yomuñwi yabona za mulao nalumelelani ni mulelo wo, mi naize bakwaezi balimotikala zelonga basupile habana tokomelo. “Mikwakwa yaluna kimabita bakeñisa mikwa yakukwaeza kusina tokomelo, mi limotikala zeo halilukeli kulonga batu kakuli liekeza mafula famulilo otuka,” nabulezi. Naize kihande kuli bazamaisi balimotikala zeo baswalisana nikuleka ma mbasinyana, nikuzwelapili ni pisinisi. Naize bupilo bwa sicaba habuyo mwa minahano yabona, kakuli batokomela feela kueza masheleñi. 

Shuutheni Kamati, mukwaezi wamisipili yemitelele nafile mamela kwa bazamaisi kuli batuhele milelo yabona. “Lulwana ni tala ni kutokwa misebezi; muuso utisa kutokwa misebezi; kiñi zebabata kueza,” nekukomokile Kamati. Mukwaezi yomuñwi, Silas Petrus niyena nasika taba. “Kihande habaka fukuza misipili yaluna, kusi cwalo milelo yabona ika lulatela mwamakululu,” nabulezi, kaku ekeza kuli kuyundisa limotikala zelonga basupile kutoloka” kubabaza kutokwa misebezi kakuli buñata bwaluna kona folupilela.”