Mubihi wa Mutende
Katima Mulilo – Muyemeli kwa Katengo ka Munzi wa Bukalo, ili hape yeli yomuhulu wa sikolo sesipahaminyana sa Nsundano, Luis Matomola, nabonahalile kanakonyana mwa Khuta ya Muatuli Yomunyinyani ya Katima Mulilo Labubeli, kamulatu wakupalelwa kulifa mali apabalelo yamwana ‘hae ili anabato fita fa N$25 700.
Matomola nakonile kubanda kufiwa koto kimulao, kasamulaho akulifa sikoloti sahae pili asikabonahala fapila khuta.
Ba New Era nebalemuhile kuli kasamulaho liñolo lakuli atamiwe halifiwa mwakweli ya Liatamani, Matomola akalisa kulifa sikoloti sa hae mi Labubeli nasalifile masheleñi afitelela licika la sikoloti. Mi Labubeli afeleleza N$13 400 yene isiyezi, mi kasamulaho abonahala fapila muatuli yomunyinyani Boyd Namushinda.
Muyemeli wa muuso atokwa kumuzekisa kasamulaho akulemuha kuli nalifile sikoloti sahae. Kono nafilwe mamela yakuli azwelepili kulifa masheleñi ahae apabalelo alikana N$3 000 kabunako, mi hakapalelwa kueza cwalo ukatalimana nilizoho la mulao, lelisina sialuluti kapa “umuyemeli yatompeha”, undui kapa umulisana wa likomu. Muyemeli wa muuso neli Astrid Hewicke.