Ofikola yedina Onanghulo Combined, moshitukulwa shaHangwena, oyo imwe yomeefikola edi hadi dengwa kefundja moshitukulwa, noya ongelelwa yoimaliwa i fike poN$600 00 okudja mo2023, ya nuninwa okutunga omalukalwa ovanafikola okudilila meendjato dovadali.

Omukulunhufikola wopOnaghulo Sedekia Udjombala okwa ti oimaliwa ei ya ongwelwa kovadali oya dula okutunga omaboloka akula e li avali, olo keshe limwe tali idilile ovanafikola ve li omi-80.

“Ashike nande ovadali ve li twa omikonda ngaha, natango ohatu pula ekwafo linene moshiwana shi tu yambidide neembete dovanafikola ava, osho yo omatalashe. Omatungo nao inaa paindwa, poo pedu napo opa pumbwa yo okuwapekwa shaashi ope na ashike ofulula yosamende,” ta ti.

Udjombala okwa twikila kutya ofikola yavo oyo imwe ei hai monifwa oixuna kefundja molwaashi,ohai dulu okupata oule weemwedi nhatu ngeenge efundja le ya shaashi ounona kave na apa tava piti.

“Onghalo oyo nee ye tu fininika, opo tu dule okuongela oshimaliwa tu ete po omatungo, omo hatu dulu okwiidilila ovanafikola, unene ava hava shange omakonakono akula,” ta ti.

Udjombala okwa yelifa kutya meedula da kapita ovadali natango ova dula yoo oku ongela oimaliwa oyo ya tunga okombifa yokutelekela, oshoyo osaala ya kula yo ku ongalela ovanhu, oshoyo oihongi.

“Nande ovadali valonga nale shomupondo, ofikola oya kendabala oku landa eexasa da kula doku telekifa, ashike kombinga yokombifa natango otwa pumbwa eembiya da kula opo tu dule oku telekela ounona ava,” ta ti. 

Okwa twikila yo Onanghulo oyo imwe yomeefikola edi hadi piti nawa moshitukulwa, noya idilila ovanfikola va koya peyovi. 

“Nonande ofikola hai kala ya pata nande oule weemedi nhatu ounona inava hongwa, shima ashike ofikola ya patuluka, ovahongi oha vafi oshisho kutya ounona ova tulwa kofola opo va pite,” ta ti.

Undjombala okwa ti ota kapundula noku tumbula omakwafo aeshe taa etelwa, nota ka monika konomola 081 4477555.

taimihaihambo2000@gmail.com