Auleria Wakudumo
Omukainhu weedula 47, omukalimo womOkahao moshitukulwa shaMusati okwa ninga oshihakanwa shookalyamupombo vehe shivike eshi a kanifa oshimaliwa N$976 000 kombaanga yaye yomapungulilo First National Bank (FNB).
She likolelela komukulunhu wopolifi moMusati Ismael Basson, vati oimaliwa oya kufwa ko kombaanga mo25 Novemba 2024, pefimbo nonhele ihe shivike.
Basson okwa holola ta ti kape na eshi tashi ulike kutya olyelye a kufa ko oshimaliwa osho, onhele apa sha kufilwa ko ile ngaho kutya oshimaliwa osha dja ko pamukalo ile ngahelipi kombaanga.
Kape na ou a mangwa fiyo opaife moshiningwanima eshi, noshimaliwa inashi monika.