Iuze Mukube

Abiatar Ismael Akawa, mEtitano okwa pewa egeelo lyoomvula 15 mondjedhililo sho a monika ondjo moshipotha shedhipago neumbo lyondjembo.

Momasiku 10 Kotomba 2020 pehala lyomanwino molukanda lwedhina Greenwell Matongo moWindhoek, Akawa okwa li anuwa a umbu ondjembo nokudhipaga Benyameni Nampweya Amukoto.Akawa okwa li wo a monika ondjo sho a umbu ondjembo epuko, shaa li paveta nokuumba owina ondjembo mokati kaakwashigwana. Mompangu omwa hokololwa kutya oontamanana odhe ya po shi na sha niimaliwa anuwa ya yakwa, moka Amukoto a li a ti Akawa okwa yaka iimaliwa mondingosho yamumwayina.

Akawa anuwa okwa li a dhengelwa ongodhi kuAmukoto ta ti okwa yaka iimaliwa mondingosho, naambaka yaali oya li ya tsu kumwe ya tsakanene ya kandule po omukundu nguka. Sho ya tsakanene opo nee Amukoto a ka yahwa mepunda.

Pethimbo ta pangulwa, Akawa okwa tik e na ondjo. 

–mukubeiuze@gmail.com