Omulumenhu weedula 32 Kalenga Gilbert ota kongwa kopolifi eshi e livaka modolongo yaSwakopmund Omaandaxa efimbo lokomatango pokati kotundi 17h00 no20h00.
Omunadolongo otaku hokololwa kutya oku li omukwashiwana waDR Congo ashike okwa kala onhauki kokamba yeenhauki kOsire.
Omunakonakoni woimbuluma wopolifi moshitukulwa Erongo Omupedu Commissioner Eratus Iikuyu okwa hokolola ta ti omunadolongo okwa teya ekende lokombifa ndele ta nhukile kondje nokufaduka po.
Iikuyu okwa ti omunadolongo okwa mangwa po lwoikando ivali eshi a hangika nomapangwe.
Okwa ti omudo wo2019 Gilbert okwa li a kwatwa po eshi a hangika nepangwe loCocaine longushu N$500 ndele ta pewa obooloha yoN$3000.
Omudo wa dja ko Gilbert natango okwa li a kwatwa nepangwe loCannabis longushu N$13500 nokwa kala e li modolongo yaSwakop fiyo osheshi e livaka mo oshivike eshi.
Opolifi oya ti otaku fekelwa kutya omunadolongo pamwe okwa faduka po a uka kombinga yaTjiwarongo noWindhoek onghee opolifi oi li molukongo lomunadolongo ou.
Opolifi otai indile moshiwana kwaau e na ouyelele opo a lopotele opolifi keshe i li popepi ile oshiwana shi kale sha kwatafana nomupeduCommissioner Erastus Iikuyu 0812464757 ile Detective Rosa Tjihavero 0818214756.