Omukulupe weedula 63 ou vati a ninga omafiku ta hepekwa koudu wopamadilaadilo okwe limangaleka oshivike sha dja ko efimbo loufiku.
Oshiningwanima osha ningwa momukunda Okapya popepi nokapale keedila.
Nakufya okwa tongololwa oye Ralf Gunter Domas omukwashiwana waGerman.
Otaku hokololwa kutya Domas okwa li ha di meumbo lomukulukadi waye komukunda Onkuni moshitukulwa shaShana.
Omukulunhu wopolifi moshitukulwa shaMusati Commissioner Naftal Lungameni Sakaria okwa hokolola ta ti omukulupe ou okwe lituwa kovakwashiwana a xulifa e li meemhango momuti.
Opolifi oya ti neudo okwa lopotwa omulumenhu ou kwa li omunangeshefa a kala omafimbo amwe a tambulilwa moshipangelo shaShakati ta hepekwa koudu wopamadilaadilo molwashi vati a tatawa meumbo komukulukadi.
Opolifi oya koleka tai ti Domas okwa li a patululila omukulukadi waye oshibofa molwaashi vati e mu kengelela pamukalo wokulandifa omaliko. ngaashi otuwa.
Vati Domas okwa li a taatawa meumbo komukulukadi waye konima eshi ongeshefa yavo ya tameke okuenda tai shongola, hano pehe na vali oshimaliwa.
Omulumenhu ou vati okwa li e na eengeshefa dokulandifa oikulya ashike oda pata molwonghalo yomukifi woCovid-19.
Otaku hokololwa kutya omukulupe ou okwa kala yoo vali a ninga oshihakanwa shomahepeko omomaumbo.