Bonifacius Mbwale weedula 38 okwa anyenwa omhito yokulifutila mo modolongo konima eshi a holoka momhangu yaOutapi onghela.
Oshibofa shaye osha undulilwa komafiku 8 Apiilili 2024 nomakonakono opolifi otaa twikile. Mbwale okwa kwatwa po Osoondaxa shaashi vati a kwata okaana keedula nhano onghonga.
Omupopiliko wopolifi moshitukulwa shaMusati Inspekta Anna Kunga okwa hokolola ta ti oshiningwanima osha ningwa efimbo lomutenya komukunda Onaanda. Otaku hokololwa kutya omulumenhu okwa li ta lifa oikombo nokaana mekove lambulavo. Lwopokati opo, opolifi oya hokolola tai ti Mbwale natango okwa li a kwatwa po momudo 2020 konima eshi a li vati a kwata okaana keedula 14 onghonga.
Okwa li a pewa obooloxa yeeN$1 000, nomakonakono otaa twikile.
-fhamalwa@nepc.com