National petroleum corporation of Namibia (Namcor) neruganeno kumwe novaholi zwo ava vakara asi nonombapira dawo domaholi ndi asi PEL, mavango aga 56, 83, 85, ntani 90 kuna kumoneka asi tavakasima kehagero lyomvhura zeezi 2024, ntani ketameko tupu lyo 2025. 

Embororo ngalihamena moOrange Basin offshore moNamibia. Montumwaraka kavageve nkera, Namcor katente asi awo kuna kuyimona tayikuru, unene mokugwana maholi, ntani gas yiviyauka yinzi yina karamu unene ngwendi momvhura 2022. Mokugwedako, mokuyirugana nomauzera tuna gwana kuna kara asi 3D seismic makona kono gawo kuna kugava mukumo mweyi avarugana. ‘’ Simpe nampili ngoso, onshore vana kumborora simpe kuna kuza komehoomu vana kukulika mukaro goHydrocarbon zomoKavango Basin mo PEL 73. Ano nye Orange Basin azo kuna kulikida asi yina wapa, makona kono kuna kulikida asi moLuderitz, WalvisBay ntani Namibe Basins, Namcoro yimo ngoso vana kutanta. 

Namcor kagwedereko asi yitundwamo, kampani ntani ava nye avaruganene kumwe kuna kutwikira mokutwara yininke zuni komeho unene kweyi vana kutumbura asi nobasin vatare asi kurugana ngapi. ‘’ Kapi kuna kara magano gokutara makero ndi nondombe moLuderitz, Walvis ndi Namibe Basins. Nampili ngoso, mokukwama omu yakara, kuna kuza nye vakadimburure asi yinke navavhura kurugana mokukwama elikwamo lyoBasin. Namcor, simpe kuna kara analituramo unene mokuvatera n=okulihamesera mekuliko paekonomi lyosirongo, omu navatara asi muhoko kuhamena rutjeno kuna kuza komeho ntani ekonomi nalyo kuna kara monaruwa, yimo zina kutanta ngoso mbudi zomontumwaraka.