Taimi Haihambo
Ouminusteli wounamapya, eeshi, omeva osho yo omadu, owa didilika oshikukuta she lihanena oitopolwa ihapu meni loshilongo, kondandalunde ngaashi oshitukulwa shaHangwena, Omusati, Omaheke, Kavango East noWest, Oshana, Kunene nOshikoto.
Molwonghalo yomhepo ei hai lunduluka, ouministeli owa didilika omeva keenhele dihapu edi da tumbulwa a shuna pedu okudilila medu omu hama di.Omunambelewawiliki woministeli Teofelus Nghitila okwa ti onghalo oya etifa ovanhu vahapu koitukulwa yqa tumbulwa va tameke okuxupa shokadila, omanga vakwao tava nane noudjuu.
Mokukandeka oupyakadi ou wanyaa kehonga ngaha, Nghitila okwa ti ouministeli owe ya po nondungediladilo opo u kwafe ovanhu ava tava dengwa koshikukuta.
“Ohatu kafya oshisho kutya Namwater okuna olusheno lawana okulongifa eepomba edi hadi longifwa okunana omeva, oo a dule okuhandjakanifwa meedoolopa, fye natango hatu fi oshisho kutya olusheno alushe otali longo, opo li haye oilonga yeepomba doku handjakanifa omeva moshipala,” ta ti.
Okwa twikila kutya vati ehangano lakula loku handjakanifa olusheno moshilongo vati ota li ka yandja omakwafo komahangano anini moshilongo, oku yandjakanifa olusheno koitukulwa ili meni loshilongo, opo omahangano adule okulonga noupu.
“Ouministeli woovene natango otau kalongela kumwe no Namwater moku nenepeka ominino edi hadi hadi handjakanifa omeva moshilongo,” ta ti.
Nghitila okwa ti ovahala oku tunga eendama dihapu, dikale hadi hakele omeva pefimbo lodula. Vati natango ova hala oku tunga eembola, voo vati tava pate Etaka nokoungulita opo li dule oku pungula omeva aningile omafiku neenghalo dili ngaha.