WINDHOEK – Namibia i bihile piho ya pili ya butuku bwa taku ni mulomo kasamulaho wa lilimo ze silezi ze felile mwa Wiko was sikiliti sa Kavango; kakuya ka yo muhulu mwa matuku a limunanu Dr Adrianatus Florentius Maseke Maabani.
Mwa piho ye netambekilwe kuba Katengo ka makete a limunanu (World Organization for Animal Health), Maseke na ize, kutumuka kwa butuku kukonwa kutiswa ki lifolofolo sihulu linali.
Maseke u ize likomu ze ketalizoho ka zene mwahali a mutapi wa likomu ze mianda ye mine kaze mashumi a supile lisupelize lisupo za kupazauha kwa litaku, zeo litaluseha kuli liyambuzi butuku bwa sifanu bwa taku ni mulomo. Kubeilwe kemiso swalelele ya kusazamaisa limunanu mutaka-fululele mwahali kapa kuisa kwande a sikiliti sa Zambezi kutateka cwanunu fa.
“Likwata-kwata za matwela ni batikitibi ba hasanyizwe mwalibaka ze taselizwe, kubatisisa zeo litisize butuku ni kuziba maneku kafo sebuyandulukezi teni, kamo piho i taluseza teǹi.
Kalibaka lelicwalo sibaka sesitaselizwe seo sibeilwe mwa sikwenda salibima zefita fa mashumi a mane (40 km) mwa butuna. Lipiho lifitile nako yeo muuso unze u ipakanya kuyotaba ndonga ya silelezo kwa butuku kwa likomu zefitelela 30 000 mwa Upa wa sikiliti sa Kavango. Ka nako ya cwale, naha ya Philippine i lilimanisize litekisano za nama ni limunanu kuzwelela Namibia kakufa mabaka a lipiho za matuku zeo.
Mwa silimo sa 2009 sikiliti seo nesizibahala ka Caprivi seo bukachenu sizibahala ka Zambezi ni Kavango nelishapilwe ki butuku bwa taku ni mulomo, kamo nekubihilwe lipiho za litaba za matuku ze fitelela 1900 mwa sikiliti sa Zambezi feela sinosi.