Auleria Wakudumo
Namibia naChina otava twikile elongelo kumwe okutopola omaliko pokati koilongo ivali.
Omukalelipo waNamibia koChina, Elia Kaiyamo okwe shi kwashilipaleka meenghundafana noradio yomudidimbe yaChina hai ifanwa China Global Television Network (CGTN), komesho yoprogramma hai i ifanwa China-Africa Cooperation (FOCAC) ano ekwatafano nelongelokumwe pokati kaChina-Africa oyo ya tengenekwa ika kale ko momafiku 3 Septemba, moBeijing, China.
Eenghundafana odali yoo da waiminwa koshilyo wiliki shehangano lomatungo, loChina Henan International Cooperation (Chico), Cheng Jian. Jian okwa denga omufindo ekwatafano pokati koilongo ivali unene mokutunga eepate.
Ehangano loChico ola longa moNamibia okundja 2007 nola mana eeproyeka 24, odo da tunga eepate, eenhopa, neepate domashina okolutenda naikwao ihapu. Ehangano ola yandja yoo oilonga vati komayovi ovaNamibia nola wedako kongushu yeepate datungwa moshilongo.
Ehangano Chico ola kwafela okupungula meeproyeka dehongo oshoyo meyambulepo lomidingonoko waNamibia.
Oproyeka ipe yaNamibia yo green hydrogen, oproyeka oyo hai nduluka ogreen hydrogen tai longifa omhepo neenhe detango nayo otai ka kwatelwa momangela yeenghundafana kekwatafano pokati kaChina na Africa (FOCAC) neudo.
Oproyeka ohai pitike oilongo ngaashi Namibia oyo ina eenhe detango da kola oshoyo omhepo ndele oina olusheno lili pedu, opo i longife oipewa yopaushitwe okukandulapo omaupyakadi ahapu.