Iuze Mukube

ǁHûidi ge hā tsî ra !kharu, xawes ge !hūb !nâ !gâi!gâibasensa ūhâsa hoan xa nî aimâihe, tib ge !Hūb di ǁûb Nangolo Mbumbaba ge mî. Nēsab ge Swanus di ǀgui ǀkhāb ǂgaeǂguis ge ǁ-îb ǀkha !Hūb di Oms tawa ūhâ i khoexa!nâ saris hîa Evalistus Kaarondab ǂgaeǂguis !naka ge hâ is soab !nâ ge mî.

 “Hana da sada nē [khîba], nî ūhâ tama is kara, o i ge ǀgui khoe-i tsîna ǁîb tamas ka i o ǁîs ǁhôasa ūhâ tide. 

Nēs ge a !aroma ǁgamǁ-arede da nî ūhâbasa, ǀgui ǂgiǂgo !nans ǀguis ose xawe hoa ǂgiǂgo!nandi ǀkha ǁhûidi ai!â,” tib ge ge mî. 

Mbumbab ge hōgu tama is !nâ mâ Swanusa ǂâuna ga-aisiba ǁkhoreba tsî ge mî, ǁîs hoan xa !hūb !nâ gaxuse !goaxa ǂgiǂgo!nans ases Swanusa nauna aiǁgause nî ība !khaisa. 

Kaarondab ge nē mîdi kha ra ǀhûǀguise ge mî, hoa ǂgiǂgosi mâisan hîa ǂga ra ǀnûgun di !ereamxasib a !khaisa, -ǁawoǁawonîse īsa ǁhûidi ǂkhîǂkhîxa mâsib !naka nî ūhâhe !khaisa. “Sida ge hoada nî ǂgan, !gōsase ǁnā ǂnûiǂgādi, ǁhûidi !ereamxasiba tanihâde, ǁawo-ǁawo nîse isa, hoa khoen hîa ǂgaoǀkhādi ai ra dīǀoaǀoana mā-amsa in xoamâisen tsî ǁhûidi ǁaexa i kara o ǀguis khami i ǂhanixū-i ose ǁhûi. 

ǁHûi-aona harebasens -ǁaeb !nâ, da ra !âubasens ge, hoa ǂgiǂgo !nandi nî ǀguitikō !ēde māhesa, !gōsase ǂhanub a honkhoe-ai ǂhôamāǂui!khaigu !nâ-ū,” tib ge ge mî. 

Mbumbab ge ai!â a mî !khais ge, mâ ǂgiǂgo !nan-i ǀgui-i ka xawe-i ǀnai nēsi dīn nîsen ra mîmâi xūn ǀkha nēsi nî tsoatsoa !khaisa. Mbumbab gere ǀgonǀgon!gaos ge “ ra !kham!â. ǁNātisa i ge a sîsen ǁoa.” Swanus sekretareb, !auga!hūsi !gaeǁaredi dib tsîn ge ǂhâǂhâsasib ǂkhîb tsî ǁawosasib tsî ǂhanio!nâse di !goaxa ǁhûide nî !gûǁnâs di ǁkhoreba gere gowaǂui.