MoVenduka
Mbunga zovadinkantu, unene komitiye zegendeso kavayinkondopere asi Julius Namoloh gahepa kukara hamutjanga ntoni gokukwateramo gombunga zo NYC. Hamutjanga ntoni gokuhulilira kwa kere Juliet Kavetuna ogu ana zi ngesi mombangarero zanavenye. Namoloh kuna mupe sinka esi ure woyivike yivali tupu morwa epongo lyenene vana litura nare lika kareko mwa Kudumonkuru 23, 2008, yipo vaka tare asi yilye navapa evango olyo. Dogoro ngesi kuna kara tupu novakandindate vavali Julius Namoloh na Mandela Kapere. Ano gumwe ogu vagazarere Veiko Nekundi kuna kuzuvhayika asi kapi ana hara hena. Apa katumupulire nekundi katente asi oyo yipempa. Kapi nina diva asi kupi muna yigwana. Ame nina liwapayikire kuna kundindira tupu edina lyange valinkondopeke vadikantu wombunga za SWAPO.
Yimo ana kutanta Nekundi.
Mudinkantu gumwe gwa NUDO katente asi evango eli lina wapere muntu ogu ana kara pepi novadinkantu kapisi gogu ana kara ponze. Kapere na Namoloh nare va karamo mombunga ezi ka kere ka Nekundi ogu ana kara asi age mpitisili tupu govadinkantu va SWAPO.
Candindate gumwe ana bubuka gedina Gomotsang Mokaleng Kuzeeko gombunga zovadinkantu Ikopeleng, age kwarumbasanene kumwe na Juliet Kavetuna mo 2005. Ogu ngava horowora ngesi takwateremo dogoro vakature epongo lyenene. Awo kuna kundindira veta zompe ezi nava tura moyirungana sinkwa ntani.
Veta ezi kuvhura zize moyirugana mwa siwogedi makura epongo kuvhura lika kareko mwa Sindimba mvhura ozo.