Namibiab ǂhôamāǂuis ǂNûiǂgās (Nampa) ge N$11 miljuns ǀkha !kharu ge kurib ǀaweǁguisa marihōǂgāsa go !nā. Nēs ge 2022ǁî ge a dīhe koro kuriga nî !khōǂgā ǂorisa ǀaweǁguib khao!gâ ra īsa.
Nampas Dana Sîsenǂuira Mâisab (CEO), Linus Chatab ge nē ǂanǂansa ǂoa ge wekheb di Wunstaxtsēs aib ge ūhâ i dî!nâǁgamǁares !nâ ge ǂanǂan, nē ǂnûiǂgās hîa ǀnî -ǁae-i aimari-e hōǂgātama is xa daodi âsa !aruǀî ai!gûs !aroma gere ǂganams ge ǁkhawa ǁawosasiba hō-oa, ǁîs ǂnûiǂgāsa ǁkhawa omkhâi tsî sîsenǀgauga dī-unu!gâ tsî nēsi !nona-ǁî kurib !gâi sîsenǂuiba !khōǂgā hâ ǀaweǁguibdib !nâ ra ǂgâ.“2019 tsî 2020ǁî kurikha, Covid-19 ǁaeb !nâs ge Nampasa !hūb ai ge ǁgoe i.
Sida ge autona ǁgonǁamaxu, ǀkharisi berode ǀoroǀoro tsî tsēsa xu tsēs ǁga ûi!kharus !aroma gui gere sîsen. Nētsē, da ge mûmûsa ts ǂkhîǂkhîsa hōǂgādi xa ra !hoa, ǂguro kurib !nâ !gau tsî ǂoa ge kurib !nâ N$11 miljuns ǀkha ge !gau,” tib ge ge mî. Dana ǀaweǁguib sida dib hîa !nani dana ǁgūbadi ai a !gao!gaosab ge ǀnai mûmûsa !nuriga ǂoaxa-ū hâ. Nē !nurigu !khōǂgā hân ge ǀoasase a sîsenxa ǂharugub ǁamaǁamas departements, !hūb di ǁûn ǀis tsî Nampas ge ǁ-îs a ǂhanusi māǂui-ao !hūb di -ǁûn kikidi māǂui-aose a ǁgaumâihes tsîna. Nampas ge dixitalse sîsens tsîn !nâ ǁguiri, -IT !âb tsî ǂhôana ǀasa ǀgaugu !nâ māǂuisa (NPEAS) dī-unu!nâ tsî !kharaga ǀgaugu ai ǂhôare tsî māǂuis ǁkhāsib tsîna ge khoraǂui îs nēs !nâ-ū ǂhanub tsî aitsama mâbasen !oaba-aona ǂâuhâse !oaba -ǁkhā.
Chatab ai!â gere mîsa !oas ge nē marisise ǀomkhâisa Nampasa ge ǁāǁā, ǁîs hoa berode ǁkhawa ǀoasase sîsenūtsoatsoa, ǀasa autona ǁamaǂgā tsî !gaeǂgāsa tamase ra sîsen ǂhôare-aona sîsenmās tsîna. “Sîsenaon tsîn ge ǁîn khoesisa ǁkhawa ge hō-oa tsî da ge nēsi hoatsama ǀgapi ǁgūbade ra sī!nâ !nans ase !khōǁôagu tsî ra ai!gû,” tib ge ge mî. Chatab ge ǀams ai a mîs ge, !âǀhuru-aon di mîǂgāb tsî ǂâiǀgaugu sao ra !haros dana aweǁguib disa nî ǁnumisa.
New Erab ǀkha ra ǀhaehe !hûǁares xab mâti ra mîs di soab aib ge Chataba ge !eream, nēs ǀguis khami ī !ao-i !naka Nampasa mâi tamasa tsîs ǀguipa !hû-ǁaresa ǀgaiǀgais ǀguisa ǂharuguba nî hîsa. -Nampa