DAWEB!GAOS – Daweb !Am !Hanab, Daweb!gaos ai mâb di mûǂamaob, Jakobus Hanseb ge kaise ǂgui!nâgu ǁgoaǂuidi xa !namiǂgāhe hâ, hîa nē !hanab di ǀomkhâis tsî ǀkhariba ǂûna nî ǁawoǁawobase is di ǁgūbasa ra !hâumâina.  

Kaises nē projeksa !gâi ǂâibasensǀ kha ge a tsoatsoahe, xawes ge ai!gûs âsa !narib, !nubusib !nanǀgaib dib tsî ǁgam-i di ǀorosib xa ra khôahe, nē mâsigu hoagu ra ǁkhae ǂûna harebasensa xui-ao. Nē !garo!ās ge !hū-omkhâis ministeris xa 2011ǁî kurib !nâ N$10 miljuns ai ge ǁamahe. Hanseb ge ǁ-îb ǂkhîo!nâsib tsî !nankaihesa ai!gû ra !narib nēb ǂnamipe gere gowaǂui. “ǁAnǂgāsaben Daweb!gaos din ge nē !garo!āsa !hanaba xu !naris !aroma ra ǁnāǂam,” tib ge ge mî. Nē mâsib ge ǁnāti ge ǁgaiǂnû î da ǀawa!namn huib tsîna ǂgaiǂgâxa. Hanseb noxopa gere mîs ge, ǀgui mûsa ǁkhowa-amsase ūhâsen nēpa ra ǁomsa hâ ga a ǀō-e -aeb ai nî ǁnâuse. !Nanǀgaib di ǀkhais tsîn ge ǀgaisa ǁgâiba sîsenna ai!gû-ūs ai ra -ǁgui, aiǁgause da ge !khai!khai!nâ!nā-omsa ūhâ, xawes ge -ǁîs tsîna !nāsa -ǁaega !nanǀgaib ǀorosib xa ra !aromahese sîsenūhe tama hâ. “ǀGaisase i ra ǀgam soagu !nân ge !hanaǂûna ra ǁgai,” tib ge gere ǀaro. !Nân !hanab !nâ a khais tsîn ge a !aroma !narib ra ǀgaisa. ǁGam-i mâsib tsîn ge a ǀnî ǁgoaǂui, ǀgui ǁgamams ǀguisan ūhâ xui-ao tsîs ge -îs tsîna nēsi khôamâ hâ, tib ge gere mî. 

“Sida ge generatorsa ǁgam-e ǂgaehās !aroma ra sîsenūi!gâba sī!nâ tama hâ,” tib ge Hanseba gere mî. Nē ǁgoaǂuin xōǀkhān ge ǀnoran ǀkha !gomsiba ra hō!â, ǁîn kaise kai ǂkhôaba nē !hanab tsî ǁgâuǂnamib ai ge dī tsî ǂauna marisa projeksa ge ǂgan amaga. Hanseb gere ǀgonǀgon!gao !khais ge elektrise ǁgâuǂnamiban ga a hō tsî nē !aubǀguruna !nūse a ūhâ !khaisa. Nē ǁgoaǂuin ka hâ xaweb ge nē !hanaba ra ai!gû sao ra !hanaǂûna ǂoaxa-ūs ǀkha, ǂgaiǀons ai spinash-i, tsuibeln, koln, ǀapasen, apa!aob khami ī papun tsî tamaden tsîna. Daweb !Am !Hanab ge ǀudi tsî ǁamaxū1khaigu tsîn ai ra ǁamaxu. ǀGū-ǁaeb ge mariǁhōn ministeri, Iipumbu Shiimiba N$233 miljunsa ge mā !kharagagu !am !hanagu Namibiab !nâ hâgu !aroma. Nē marisihuib ge Daweb projeks ǂnôa-ū ǁgoaǂuina hui base ība ǁkhā.