Auleria Wakudumo
Enhangano lovanangeshefa, Namibia Chamber of Commerce and Industry (NCCI) ola pula ovanangeshefa vanini novopokati ovo hava ndulukapo oinima yavo vene ve lishangefe, vo va, monenwe eemhito momalindifo okondje yoshilongo.
Omunambelelwa womayambulepo eengeshefa dinini, Antonia Dumbu okwa holola ta ti otava indile ehangano keshe la hala oku kufa ombinga li tume ouyelele welixwa po una sha nongeshefa naashi hali nduluka.
Keshe ongeshefa ya shangifwa ile inai shangifwa otai indilwa ikufe ombinga hai nduluka oikulya, omalodu, oikutu ile keshe osho tashi dulu okutumwa nokulandifwa kondje yoshilongo.
Dumbu okwa fatulula kutya eengeshefa dina ehalo nadi yandje vati ouyelele ngaashi edina longeshefa, osho hava nduluka, efatulo pauxupi osho hava nduluka, onomola yongeshefa, oe-mail, oshoyo epandja layo lopaungoba.
Oule wefimbo, NCCI okwa kala mekwatafano neengeshefa oshoyo oohandimwe vokoilongo imwe ovo vena ehalo loilongomwa yoshilongo. Omakwatafano avo vati ohaa ulike oilongomwa oyo tai dulu okutumwa kondje yoshilongo.
NCCI ta ti oha xumifa komesho oilongomwa fiyo okoilongo yokondje.