MoVenduka-Epongo lyenene eli ava pongo vaBisofi wongereka zaKatotolika moNamibia vana kutumbura mousupi asi (NCBC)Kava tente asi Namibia sirongo sina pumbwa ewapukururo.Mutwe gombunga ezi ndi asi mukurona gwazo gedina Ndumbukuti Nashenda mombilive zendi ezi kageve katentemo asi edipago likare lyantaantani ndi lyanare omu vantu vana kuvatetagura paununu kapi yapulisire kwankenye ngereka,ose vana vaKarunga kwatusita tumufane.
Age kapi ana kuyipulisira eyi ntani kuna kumupa utjirwe asi vaNamibia tuna zumbanesa mukaro gwetu gopasikiliste.Age kakumbwilire koyihorokwa eyi yina kuhorauka ntani simwe esi kasihorokere omu mukadi kana muvadipagere ntani vamwe kuna kuva kwatera kononkondo nayimwe ngoso eyi yina kureta utjirwe.
Age kuna kugazara asi eruganeso yikorwesa momudona nayo kuna kuretera vantu varugane eyi vana pilire kuhara,nonzara noruhepo nepiro yirugana kuvhura kukara asi yiyo yina kuretesapo vantu vapire kulikunga vene.Kapisi tutjire eyi yiyo nawa-nawa yina tutamba kwato oku natuyihendaukira yina tutamba natuvenye okare kupi ndi kupi twahepa kuwapukurura mukaro gwetu monkarapamwe.Twahepa kutengura omu ngatu paruka pwanare nokulifumadeka nyamwetu nomaparu govakwetu.Nashenda katente asi kwato ogu vapulisira asi orugane yiyodona korutu rwamukweni ndi asi omu dipage.
Age katente asi epongo eli lyovaBisofi kalitokwere kuturapo elikwamo eli navatumbura asi lyekoro nokutara omu vana kuparuka nampo navaretapo ukanguki monkarapamwe.Ose kuna kuhundira vapuli vatuhedere turuganeneni kumwe yipo turete ekuliko movantu vetu moNamibia,yipo walye natu paruka nompora nountu womuntu, yimo ana kuhagesa ngoso Nashenda.