Auleria Wakudumo
Etanga leameno laNamibia ola holola kutya otali ka eta po omhito yoku kuta oilyo ipe ili 1 500 muMarch eodula taiya.
Eshi osha hololwa komunambelewa meyandja loilonga, Lieutenant Colonel Dennis Kamwi, a talela po Ngoloneya waKavango East, Bonifatius Wakudumo Etitano.
“Omadina 3 000 otaa ka pita mo meyandjo loilonga omo ovanhu 1 500 tava ka hoolilwa oku ya komadeulo. Ovakwashiwana ova teelelwa va tameke oku tula omaindilo avo okudja 1 Noveba fiyo 15 Novemba 2024,” Kamwi ta ti.
Kamwi okwati ovanhu 1 500 ava veshi endifa nawa okudja mo 3 000, otava ka deulwa oulwe weemwedi omuwoi kokamba yetanga leameno kOkahandja.
“Etopolelo letanga lovakwaita moitukulwa ola ningwa nale, omo oshitukulwa shaKhomas tashi ka dja ovanhu 288, Ohangwena 240, Omusati 240, noitukulwa 11 ya xupako otai ka dja omatanga 192 keshe. kOvakwashiwana ovo vali va talikako veli konima yefiya, otaku ka dja omatanga 120,” Kamwi ta ti.
Kamwi okwa twikila ta ti vati omangela yokukuta omatanga eameno otai ka tulwa moilonga nokupitifwa ko Recruiting Planning committee mekwatafano nooconcilor voitukulwa oshoyo oconcilor voikandjohoololo opo mudje oukwashili nouyuki.
“Ovakufimbinga nava kale Ovanamibia, veli pokati keedula 18-25.
Keshe ou ena ehalo nakale ena odjapo yondodo 12, ina oitwa okudja 25 moilongwa itanho, mwa kwatelwa Osimboli yo E mOshiingilisha,” Kamwi ta ti.
Kamwi okwa twikila ta ti ava nee va wanifa po keshe osho sha tumbulwa metetekelo novena ehalo, nava kale veli longekida okuya kekonakono lounamiti oshoyo okatesta komadeulo.