MUBAKWELI ku Ngambela wa naha, mufumahali Dr Libertina Amathila sa kupile makansela ba likiliti, baeteleli ba sizo kubeya bayahi kamukana kuli ba kone kutusa kamo ba konela kaufeela mwamingendenge ye amana ni mipilelo sakata ya kutusa sicaba sesi shebile sihulu mushobo wa makwengo.
Na bulezi mwamanzwi a mwamazazi a felile hana supa mwamunwana fa mungendenge o lela kunanula hanyinyani mipilelo sakata ya mushobo wa makwengo mwasikiliti sa Omaheke, ko na izo ina mazazi a ketalizoho a simubuso kuzwa la mubulo kuisa la butanu.
Na kile a tambeka tuma-matilesi totu shelana ni likubo mwamahositelu a itusiswa ahulu ki ona mushobo o, o taluswa kuli kamaniti u shebile tota mi kacwalo u tokwa tuso tuna mwanaha Namibia ye lukuluhile.
Kakuya ka yena, mushobo o cwale ka wa makwengo u tokwa tuso kuzwelela kwabaeteleli ba sizo ba sikiliti kubeya makansela isi kuno ikemanga feela fa mubuso niba neuli baba shelana baba kona kuputulula mazoho.
Mufumahali Amathila naize baeteleli ba sizo ba swanela kutambeka mubu simubuso kwamushobo wa makwengo ili kuli ni ona u kone kuitenga mwamisebezi ya njimo ye shelana.
“Mushobo wa makwengo hauna kulukuluha haiba kuli inge u sina mubu,” na kile a patalaza.
Na kile a talusa kuli mushobo wa makwengo mwasikiliti sa Kavango wa nyanda kakuli baeteleli ba sizo mwasikiliti sani haba tabeli kutambeka mushobo mubu kuli u kone kuyaha hande hamohocwalo ni kuitenga mwamisebezi ya njimo ye shelana.
Amathila na kile a bulela kuli ma kansela ba sikiliti ba swanela kusiya kuno nyazanga mubuso kuli unze u palelwa kutusa makwengo ka linzila ni makwati a kubulukela balatiwa ba bona baba bulukiwa.
Yana kile a bulela kwamukopano o swana neli mubusisi-swalelele wa sikiliti sa Omaheke mwanako yani ili, mutompehi Brave Tjizera yana kile a talusa kuli poto ya Amathila ne kile ya supeza lizwalo la hae ni mutundamo wa kubona kuli mushobo wa makwengo o shebile ahulu mwanaha wa nanulwa nihaike hanyinyani ha kuamwa za mipilelo ya ona mushobo o.
“Lu tabile ahulu kubona kuli kuzwa nako yeo Mubakweli ku Ngambela wa naha yena mufumahali Amathila, anga ofesi ya hae sa sebelize ahulu katata sihulu hakuamwa za mipilelo ya mushobo wa makwengo ni kubona kuli mushobo o unga lipula sakata za ona mwanaha,” Ngambela swalelele mwamanzwi a hae.
Na kile a susueza Ngambela yo munyinyani kuli a zwelepili ni milelo ya hae kaufeela ya kubona kuli lukupwe ni bunjebwe ze ipa maata mwamushobo wa makwengo za lilimaniswa.