Taimi Haihambo

Ngoloneya woshitukulwa shaMusati Immanuel Shikongo okwa ti oku na ondungediladilo a nenepeke okanala neekilometa 15, okudja kEtaka fiyo okUuvudhiya.

Eshi okwe shi popya mwaadimwe domomitumba daye, konima eshi val li tava kundafana eenghundafana da nyama komhumbwe yomeva moshitukulwa.

“Omhumbwe yomeva natango oi li imwe yomeemhumbwe domoshitukulwa, shaashi ovakwashwana onghee ngaho tava keme omhumbwe yomeva,” ta ti.

Okwa twikila kutya poshitukulwa natango ope na ovanhu ve na oimuna ihapu omanga vakwao ve lipaka mounamapya, vo onghee ngaho navo tava twikile oku mona oixuna, keemhumbwe domeva. Vati opoloyeka yoku nenepeka okanala otai ka kala eekilomita 15, notai ka wanifwa po ashike ngeenge oshimaliwa osha yandjwa okudilila kepangelo, ashike oku shi pula ove na oku shi pula.

Shikongo okwa ti opologalama oye ya po konima eshi va li ve na omutumba nOmupilima woshilongo Elijah Ngurare, u na sha neemhumbwe domeva, nonghee ve na okweeta po omakandulepo omikundu doludi eli aa taa kalele.

“Otwa kundafana yo ngeno pominghulo pu tungwe eendama domeva natango da shikula oukanala, nado di yambidide mokuandjakanifa omeva,” ta ti.

Vati momukalo ou natango otava yandje eemhito doilonga kovanhu moshitukulwa, shaashi otava ka pewa eetendela dokufula eendama.

Ngoloneya okwa ti yo opo ve shi pondole, otava ka panga oukaume wa kola osho yo ekwatafano liwa naNamwater osho yo ouministeli wounamapya, omeva nomadu. 

-taimihaihambo2000@gmail.com