Omega 1 – nampili ngomu vana kugwanekere noudigu wokugwana nondja dina wapere nkenye ezuva, yipo vape vantu vatunga momambo gawo morwa kapi vana kara noyigwanesapo vaduni vatunga momukunda gwaOmega 1 moKavango zoupumezuva awo kuna kugava rupandu rwawo gepangero morwa kuna kuvapa nondja dorukukutu. 

Awo kwatunga nye moBwabwata National Park, nkarapamwe kwakara tupu asi kuparuka konondja edi avazangura vene momapya gawo ntani neyi yoyinunu nye navagwana omu vana kuyimona vene asi tavaparuka mwaza mazuva. 

Mudinkantu gatunga moOmega1, James Smit nelirongo lyendi nye lyesesu gagwana, katente asi awo kuna kugwanekera kumwe noudigu wokugwana nondja dina gwanene morwa kapi vana gwana namvho muzangu momapya gawo morwa mvhura kapi zina roko nawa yiyo nye vana kumona uudigu wangesi mvhura ezi. 

Age katente asi awo kuna kuyigwanekera noudigu mokuparuka, morwa kugwana nondja sina kara sininke soudigu. 

Nkarapamwe kazitente asi awo kukara makwedi gongandi kuna kundindira nondja diyasike. 

‘’Ose unene kukgwana nondja dorukukutu nkenye apa konyima zomakwedi gatatu. Sikando sokuhulilira kwagwene nondja mokwedi kwaKudumonkuru. Makura ose kugwanekera nye noudigu mokuparuka , morwa kwato oku novhura kugwana nondja oku kwetu. 

‘’ Vanyu kwakara oku asi kapi avarugana ndi kapi vavakuta moyirugana, ntani kwato yirugana oku, ndi nompito doyirugana. 

Nampili ngoso, ose tuna pandura kondja edi tuna gwana, nampili ngomu asi kapi adiwiza nkenye kwedi. 

Ose tuna hafa unene kweyi epangero lina kurugana, ngovaduni nose kuna kugwana nondja tulye mosiruwo esi sosidigu,’’ yimo ana kutanta Smit. Gumwe ogu ana kugwanenamo uwa, Dorina Ndjangara, gumwe govana, katente asi ose kuzangura muzangu mahangu, nye ngesi ose kapi tuna kulizuvha nawa morwa mvhura kwato. Makura nondja edi dorukukutu kuna kuna kutuvatera momunene. 

Nkarapamwe ezi vaninkiliramo kavatente asi awo kavagwene nonsako ntanoi do 10kg dousura, magadi gomomberewa nolita mbali gavali ntani nondorohwa donyama. 

Awo kavatente asi pwanare ngavagwana noprojeka dokuretamo Yuma yipo dekulike vadinkantu. Ano ngesi, nampili ngomu nye asi ekononomi kapi lina wapa, vadinakntu kuna kumona kanyando, nye simpe vahepa kuza vakahorowore momazuva 27 Mangundu.  

‘’ Ose tuna hafa kweyi lina kurugana epangero kwetu. Ose ngatuza tuka horowore,’’ yimo ana kuhuyunga Smit nomukumo.