Omupresidente gwoshilongo Netumbo Nandi-Ndaitwah sho kwa dhimbulukiwa esiku lyaakiintu Osoondaha, okwa dhimbulukitha wo aakiintu esimano lya wo osho wo onkandangala taya vulu okudhana poompito adhihe. 

Esiku ndyoka lyomasiku gahetatu  gaMaalitsa, oha li dhimbulukiwa omumvo kehe moku gandja esimaneko kiilonga nokiinakugwanithwa hayi longwa kaakiintu, osho wo oku tula po oompangela dhokuhwepopaleka oonkalo moka aakiintu oyendji taya iyadha muuyuni awuhe.

Omutsegwoshilongo Nandi-Ndaitwah momushangwa gwe, okwa totha mo iinima mbyoka yimwe tayi ulike kutya moNamibia aakiintu oya yambuka po e taya kutha oonkatu dhopondondo yopombanda miikondo yepangelo noyopaumwene osho wo okugwanitha po iilonga yilwe. 

“Oku nkondopeka aakintu otaku nana engungumano lyaanamagumbo, eyambule po lyoshigwana, nehumokomeho lyopashigwana osho wo okuithana ehogololo lye ye mwene onga esindano tali yagumwa kukehe okanona okakadhona,” ta fatulula ngaaka.

Ta ti, okwa londodha kutya okwaahena nenge okutindila oompito dhiilonga nomiyonena dhuukashikekokantu inaku  kala einda kekuthombinga lyaakiintu lyuudha, tiindiile ompito yili hwepo lyeyidhopo lyaakiintu miilonga.

Nandi-Ndaitwah okwa simaneke aakiintu moshigwana, teya tanga onga omapenda, noku dhenga omuthindo kutya aakiintu mewiliko ohashi nkondopeke uudemokoli noku thitika omwala yuukashikekokantu.

“Onda hala okugandja etumwalaka lya yela koomeme oshowo kokanona okandhona kutya, inaya indikwa okulonga oshilonga sho ntumba omolwa yo aakiintu, ihe naya kale yeshi kutya moNamibia kehe shimwe otashi vulu okulongwa noku gwanithwa po komukiintu,” ta kumagidha ngaaka.

Aawiliki yopolotika unene ngaa momutumba gwopashigwana nomomalelo goondoolopa osho wo miikondo oyindji moNamibia, omwaalu gwaakiintu ogwa ya pombanda. – vkaapanda@nepc.com.na