Nonkango odo kurugana nawa, kutura nayinye poruzera, kurugana nombili kuruganena navenye kadikere nonkango domukumo ntani dina zere edi kageve Presidente Netumbo Nandi-Ndaitwaha apa kakazegwilire epongo lyovanguuru paveta mositata saVenduka.
Epongo deuro eli kwawizirapo apa nye kamene Presidente kupa vanguuru navenye sirugana monomukunda nadinye 14 dakara moNamibia. Mokuvapa magano noudivi asi ngapi navakarugana mosirugana sawo sosipe. Mukurona gepangero kadiworokesere vanguuru wovape asi ngesi vana gwaneke monomukunda nadinye yina kara asi eyi yina pu yina hupuko tupu vahepa nye kukariugana rambangako ava vapere sirugana mokwedi kwanNsinano mvhura zeezi.
Kapi zina kara ngesefa moomu zakara nare. Ame ngesi, kuna kumuhundira asi mwahepa kugusa eyi vana kumuronga muna kara munalituramo.
Morwa tavamupe udivi noukonentu omu nomukarugana nokukasikisamo eyi twatumbwidilire vantu vatungimo moNamibia, yimo ana kutanta Nandi-Ndaitwah.
Age simpe kuna kutura malikwamo getu unene gonzodi zetu zakara noyiturwapo yitano; epongo lyedeuro eli molyo unene yipo asi epangero lyahepa kukara nosinka sangesi. Kuna kavatera egano turomo lyekuliko tuna manamo kukwama ngendeseso zepangero omu vanguuru navagava sihonena moyirugana yeni; yimo ngoso ana kuyitumbura.
Nandi-Ndaitwah kayinkondopekere asi vanguuru kuna kararepo Presidente ntani epangero lyepeguru yipo nye asi mwahepa kurugana morwa ame ngesi kuna kuza nokumupa nonkondo omu vana hara vaNamibia.
‘’ NgaPresidente gweni mwahepa kutura yirugana moomu zina kutanta Manifesto zaSWAPO zomo 2024 nomunatuyirugana kukwama NDP 6 ezi navakatura paveta kehagero lyokwedi kooku, yimo ana kutanta.
Age kuna kuhundira ukumwe ntani kuruganena kumwe mwahepa kumona nompitisili dopa mpo, vana ngereka, vanangereka ntani vadinkantu.
‘’ Mpepo zakarapo zoNamibia gumwe, ntani muhoko gumwe ntani ukumwe yiso sitambo setu.
‘’ Vantu vetu kuna kundindira yitundwamo.
Mwahepa kuruganena kumwe yipo tugave sirugana kovantu yimo ana kutanta Nandi-Ndaitwah.
Nampa.