vaNamibia womombe rewa zaPresidente kavatambwire nomawoko gavali eyi Presidente gosirongo kagwene nzapo kupitira metokoro eli kavarugene woAfrican Leadership Magazine (ALM) mokutumbura Edina lyaNetumbo Nandi-Ndaitwah asi muAfrica age hena muna politika paumpitisili gomvhura nye ezi 2025, Esperance Luvindao, Ministera goukanguki nekaro nawa, omu ana kara asi age kuna kara mufundi mokugendesa ukanguki mvhura ezi zo 2025.
Ntumwaraka ezi kavazigeve wombunga zaALM konyima nye kontinente zaAfrica kazikere momahoroworo, omu nye Namibia kazilikidire asi awo kuna kugava yimwe moomu yawapera. Presidente Netumbo Nandi-Ndaitwah ntani Presidente gwaBotswana Duma Gideon Boko yiwo vamwe kavakere mowo vane kavasikire kontambo zokukahulilira momvhura ezi 2025, Africa Leaders of the Year award mbudi ozo nye kavageve paveta wombunga zaALM. Nompitisili edi mbali dokombindakano zaAfrica kavarumbasanene kumwe naPresidente gwaBenin Patrice Talon ntani Presidente gwaCape Verders Jose` Maria Neves mokuvatura nye pelikwamo lyesupi lyakahurako lyokontinente zaAfrica kupitira nye moAfrican Leadership Magazine mvhura ezi, mokugava nonzapo.
Kuhorowora nye kovatungimo kayihege mo 30 November, ano vafundi kavavagevenye paveta konyima tupu zokuhaga kuhorowora, omu nye kavageve asi Netumbo Nandi- Ndaitwah ana bubukamo asi mufundi.
Mokukwama nye efundo olyo, Presidente katente asi uhwi ou kuna kulikida efumadeko Presidente Netumbo Nandi- Ndaitwah omu gasikama ndjikiti, gadiva eyi ana kurugana, omu galituramo unene mokuruganena vantu, ntani omu gahara asi vantu vadive unene omu navavatera vantu vawo, mokukulika Namibia ntani kontinente zaAfrica.
Presidente simpe kuna kudiworoka eyi yina kuhoroka asi Namibia kuna kukura moruha roukanguki nekaro nawa eyi yina kara elikido asi Luvindao nage kagwene nzapo ndi uhwi. ‘’ Kuna kumoneka asi kontinente zaAfrica zahepa kukara tavazifumadeke morwa mukaro gwaNetumbo omu gasikama ndjikiti moumpitisili.
Mokukwama nye efundo lyaLuvindao, awe nage ana wapere kumupandura momunene. Omu kavamutumbwire asi mufundi goukanguki moAfrica kuna kulikida asi Namibia kuna kuza komeho moumpitisili nomuyina kumoneka asi kwakara noudivi yina kutundilira moCabinet.
ALM mvhura hawe kuna tara asi nonzapo edi dahepa kuza kovampitisili dina wapere ava hena vana horowora vantu monovili odo. Elikwamo lyana mumvho kuna kara monontambo ntatu, omu vantu kavavahundilire vatumbure nompitisili odo moAfrica nazinye, ntani nomaparambo.
Makura kapa kere nye pausupi asi yinke navavhura kurugana nokugava nye asi vahorowore kupitira monongodi. Ano vafundi ngava kavadiworoka nye kepongo eli ngali karako mwaFebruary 2026 moAccra, Ghana.
Montambo nye ezi zomurongo nantano, poty kwakara narunye asi kutundilira kovantu vene vafumadeke nompitisili dawo.
Elikwamo lyangesi kukarako nkenye mvhura kulirongikida kupitira moALM, awo kudiworoka mpitisili pamundinda, ogu gakara noumpitisili wayukilira mokukulika Africa nazinye. Eyi yomo 2025, awo kuna kara nonontambo 12, muna hamene egendeso epangero, erongo, mpora ntani ekeverero, yipangero yepangero.
Mokukwama nye ntumwaraka, Presidente age kapandwire vaNamibia navenye vana kara monda zosirongo nava vana kara ponze zosirongo ntani vaholi zaNamibia ava kavalihamesereremo mokuhorowora awo hena kuna kukwatesako nzodi zaPresidente, mokulipakerera, ewogo, mokutara nye komeho zetu, asi yinke tuna kuruganena vantu vetu.
-ljason@nepc.com.na