Munasipundi gegendeso erero lyovakwanyama, Eliaser Waandja kahundilire vatungimo nompitisili asi vahepa kuhageka kurandesa evhu momukoso ogu vapira kupulisira. Waandja katente asi mokukwama noveta dopampo, awo kuna kara tupu asi evhu mokulilitjangesa kuna kara ytupu yimaliwa yokusika ko N$600, eyi ava gava kwaforomani gomiukunda yina kutanta asi kuna kumupandura.
Pwantani evhu lyomompongasano kuna kara nuye ndiro, kuna kukasika dogoro koN$15 000 ndi kupitakanapo opo. Waandja katanterere sayitunga za new Era asi mukaro gwangoso kapi vana kugutarerera hena, morwa egendeso lyovakwanyama kapi vapulisira asi vaforomani vafutise yimaliwa yokusika opo.
Nkenye gumwe gahepa kufuta simaliwa oso sakarapo, kwaforomani gomukunda ogo nepu vana kupe evhu, kwato ogu vapilisira ofute kupitakana opo. Eyi yina kutanta asi kwato foromani nafutisa kupitakana opo, morwa kuna hara asi ove ono kugava silinga ozo kuna hara kugwana pausimbiu evhu olyo. Age simpe kahundilire vatungimo asi vahepa kuhageka kurandesa evhu, morwa kuna kureta nomutangu. Age katente hena asi vantu kuna kugusa tupu evhu vahana kupitira mwaforomani.
Eyi kuna kukahagera nye komaudigu gomanene morwa muntu gwangos vahepa kumugusapo pevango olyo. ‘’ Vantu vahepa kugwanekera naforomani gwawo,ogu nakara asi takwama ngendeseso ntani kugusapo nomutangu dangesi.
Ntani age kahundilire vantu vana kuzedira nonzira morwa vana manga darate kwato hena kupulisira vakwawo vapitemo. Nsene kozili nzira zapita oku ono kumanga, azo hena kwakara asi kuziruganesa, kapi yina kara asi wahepa kuzisitika morwa ozo nzira avagendi navenye, vakara pomukunda ogo.
Yimo ana kutanta Waandja. Age kayahagekere asi nsene muntu kuna hundire evhu, nombapira vahepa kudigwana dina kulikida asi muntu ogo yige mwenya evango olyo. –fhamalwa@nepc.com.na