Nampili ngomu yakara asi yikorama nononkutji kuretesapo uwa, ayo hena posiruwo simwe kuninkisa vantu vahare evango olyo.
Ano moKalimbeza evango eli lina kuzangura roso kuna kumona kanyando morwa nonkutji edi kuna kulya nombuto dawo. Mepurangero kumwe nosayitunga zaNew Era, mugendesikurona gofarama ezi zaKalimbeza Patrick Kompeli kayinkondopekere asi nonkutjio kuna kuzonagura nombuto dawo momunene.
‘’ Pwantaantani nonkutji delike dina kuzonagura nombuto detu, roso.
Vanzovhu kapi tuna kara nawo hena ngesi noudigu.
Yimo ana kutanta. Kompeli kafatwilire asi kuna kara udigu unene mokupopera nombuto kononkutji morwa ado domowiza ntani kuwiza monongura.
Kugusako nye kulikana, simpe kuna kuzumbanesa morwa nsene asi roso zinapililire unene.
Ngesi oso kuna kara nomarudigavali goroso, Irga ntani super.
Kupira nye kugwana yimaliwa yoyinzi kuna kuninkisa tupire kuzangura nawa.
Ose kuna kara ngesi novarugani wokukarereramo wokusika ko 11 ano ngesi kapi tuna kara nava wokaruwogona.
Kompeli katente asi roso ezi vakunine mokwedi kwaOctober 2021 kwayakere asi vahepa nye kuzigusamo mokwedi kwaJanuary, nye kwalirenge morwa sokutezesa kwatekere.
Ngesi kuna kara asi kwato roso zina kara momarandesero ehina lyokuyiwapukurura nalyo lyateka hena.
Awo kwatura asi ndando zoroso N$14.95 mo kilo zimwe ano monokilo mbali N$29.90 tupu.
Mukuronagendesi kuna kumona asi ndando zawo gwa tupu kuhetakanesa nonondando dimwe ngoso.
‘’ Kapi tuna kara negano asi tukarandese ponze zosirongo morwa kapi tuna kugwana muzangu gomunzi gokutura asi vantu womosirongo vana hara roso vazigwaneke.
Mokukwama mwendi age Kampeli, projeka ezi kugwana mema momukuro, ntani kuomoneka asi gana gwanene.
Kuna kara ngesi nonopomba dononene mbali, edi adigava mema komavango oku kwakara roso, ano ngesi zimwe tupu zina kurugana zimwe pomba zina pumbwa kuziwapukurura.