Otjomurus
Ovatue ǀhûhâsib hîa Libertina Amadhila Kamgu !nâ ǁan hân ge nē ǀgaisa ǀkhurub Kunene ǀKhariba !khōhâb xa ǀgui tsâǀkhāhe tama hâ, xawe !hūǁîsis ǂkhanin tsîna ūhâ tama hâ.
ǁGauǁgausen ǂkhanin, !naes ǁgauǁgausen ǂhawen tsî passportdi ge ǀgapi xūn ase nēpa ūsa tsî hoan xa ǁnā ǁkhāsib ǁîna hōbasens dib !nâ hâhe tama hâ. Nē ǂhâǂhâsa ǂkhanina ūhâ tama is ge ǁîna sîsen !ēdi ǀguidi tama ī tsî ǂHanub huib ase ra mā hui!nâdi tsîna ra ǂoa!nâ kai. 27 Kurixa, Utaruauriri Tjiposab ge ǁnāpa Libertina Amadhila Kamgu !nâ hâ 60 khoen di ǀgui, ǁgauǁgausen ǂkhanisa ū tama hâpa nau hâ ǂhâǂhâsa ǂkhanin xōǀkhā.
Tjiposab ge New Erab ǂhôare-aosa ge mîba, ǁîn ôan tsîn !naeǂhawena ūhâ tama !khaisa. “Opuwos ǁga nē ǂkhanina sī ǂganamsenbas !aroma īs ge supu tama hâ, marina da sida ūhâ tama xui-ao.
Hana da mari-e īs !aroma nî hōs kara, o da ge ra mîbahe sida ǀkharib di !hao!nāsi ǂgaeǂgui-ao-e da nî sī-ūsa, î-i ǁî-e ǀhû!khō ǁnā ǀkharib !nâ da ǁan hâ !khaisa. Nē !hao!nāsi ǂgaeǂui-ao-e ūsaos ge ra ǂâibasen sats ǁî-i di !naris tsî ǂûsa nî mâbasa. Nēs ge ra īǁoa ǀnai da ǀgâb xa ra ǁō amaga,” tib ge gere ǁgui!ā. !Hūb ǂgaeǂgui-aon hîa nē ǀkhariba ge sari hâ in ge nē !gomsib xa ge mîbahe tsî a ǂan, xawe i ge nēsis kōse ǀgui xū-i tsîna ī tama hâ, Tjiposeb gere mîsa !oa. Kai khoen ǀguin osen ge ǀgôaron hîa a !gunin tsîna hâ, hîa !naeǂhawegu a ǀkhai !khais !aroma ǂhanub di ǁkhâkorope huiba hō tama hâna.
Tita tsîn ge ǂhâbasa ǂkhanina hō tsî Namibiaǁîsa ra hō!â ǂgao,” tib ge Tjiposaba gere mî. ǀNî ǂkhamkhoeb, Uakovisa Tjambirub ge gere mî, ǁîb a !gâi!gâ khoen di ǀgui hîa ǁîb di ǁgauǁgausens ǂkhanisa ūhâba ti.
“!Nāsa khoen hîa !homgu !nâ ra hân ge nē !gomsib ǀkha ǂnôana.
ǂGomhe ǁoasasen ge ǀnî khoena !homgu ǀguigan a ǂan tsî ǀnî khoen tsîn nēpa ǁan hâsan a ǀūse ǁō tsî ǁnā !homgu ai a ǁkhōsa. ǁÎn ge ra ǂgom ûi-i nēpa a ǀkhaisa,” tib ge Tjambiruba ge mî. Dītsâdi nē !gomsib ǂnamipe !ereamde hōs !aromadi ge ī tama ge i, !Nakaǂnôa Ministeri Khaohâ kaisa ǀHûhâsigu !aromab ge ǀhao-ūhe ǁoa i xui-ao.
Otjomurus ge 25 kilometerga aiǂoas Okanguatis dis ai ǁgoe