Zelbaldt Ngaruka 

Epukiro-Mvhura zina roko sinkwa ntani momukundahorowero gwaEpukiro kuna retesapo mazonauko gomanene kononzira dononzi dogarawe edi ava ruganesa vatungimo. Zimwe zononzirz domuheka hawe kwazizonagura unene mvhura ezi zaroka zonene po Ouetu Atuhe mo Otjombundiro road. Nzira zina kara asi 6km kuna kara asi kwagawanekedesa nonzira dononzi datunda konomukunda peke, momukunda horowero googo gumwe tupu, ano apa ngesi varuganesi nzira kuna kuhepa morwa vahepa kuruganesa nonzira peke edi dina kara asi ado nonde nye mokuzigenda. 

Vasingi posiruwo simwe kuna kuruganesa nye nonzira vana tulisapo vene yipo vakasike nousimbu oku vana yuka. Nonzira sinzi sado kuna kara nye asi makero aga zatulisapo mvhura zaroka unene nomuheke nye ogu gwanakindama monzira. Tayson Tjeripo, kageve omu ana kuyimona, nokutanta asi eparu lyetu moudigu lina kara. Ose kuna kusinga nye pwanyamoge oparuke nawa tupu ofe nawa tupu. Ngesi kapi tuna diva asi nonzira edi ezuvake ngavayadiwapayika. Esi siponga sosinene, vahepa kuruganako Yuma. Yimo ana kutanta Uatjiua. Ipaha Murangi katente asi nonzira vahepa kudiwapukurura ntani, yipo asi mahauto gahazonauka ntani tupopere kuzumbanesa nomwenyo dovantu. ‘’Ogu kuna kara mukaro gomudonma unene. Nompitisili domukunda dahepa kuwiza mo usimbu vawapukurure nonzira edi komeho zika wize mvhura ziyaroke. 

Murangi ogu ana kara asi kwatunga moOtjijarua nzira ezi kuna kara nye zonsupi kuza momiukunda gwendi aze nye koEpukiro post 3, ntani kwakara asi nzira ezi avaruganesa zeyi yopangenderera.‘’ Nomukunda ngwendi Ouvanda, Ombaue, Okarupoko, Otjihaenena, Osava ntani Ozombouvapa kuruganesa nzira ozo, morwa azo kupopera hena komaholi. Nzira zakara ngwa paekonomi, morwa sitasi setu somaholi kuna kunana noudigu mokukara nomaholi.’’ Yimo ana kutanta. Mutungimo gomoOzombouvapa Daniel Kaatjana Hambira katente asi kuna kutjilisa kusinga monzira ozo zaOuetu Atuhe ntani Otjombundiro. Hambira simpe katente asi nzira ezi kwazikundurukida yitji yina kuninkisa asi mahauto kapi tagalipe mpito nampili nakauke. Age simpe kageve egano lyendi asi bvawapukurure nzira zaEzorongonmdo -Ozombouvapa yipo asi dirugane nadinye zaOuetu Atuhe ntani Otjombundiro. 

‘’ Nzira ezi ngazikara nye asi kuna kuvatera unene. Ngavaziruganesa pwanare, ano ngesi vahepa nye kuziwapayika. Yimo ana kutanta Hambira, apa nye katupulireko nkumbu kwakansela gomukunda, Pineal Packey Pakarae katanterere sayitunga zaNew Era asi age ana divako Yuma kononzira edi dina zonauka. 

Age katente asi magwanekero kumwe noRoad Authority pogeli nare yipo asi vagave epuklisiro nonzira edi vadirugane. Apa ngesi varuganesi nzira vahep kundindira yipo tumanese kutura malikwamo gokuwapukurura nonzira edi. Yimo ana kutanta Pakarae. Age simpe kahundilire varuganesi nonzira edi vakara tavaziruganesa nawa yipo pwahahorokasi ehudi. 

Ose twahepa kugwanekera nepangero nose tugaveko ruha rwetu. Kuhamena nye Ezorongondo ntani Ozombouvapa, kansela katente asi vatungimo wonomukunda odo mbali vahepa kuvagwana komeho vacature etokoro nkenye. -zngaruka@yahoo.com