ONGWEDIVA-Omupevikuluntu gopolisi moshitopolwa shaShana Frederick Ndjadila okwa ti aalumentu naakiintu ye li mominzalo dhokukaleka po ombili nelandulathano oye li komalwilo, ya ilongekidha oku lwitha iimbuluma, sho omatango omanene taga tameke.
Omwedhi nguka gwaAguste ogwa shiwikila iituthi ya yooloka mwa kwatelwa omauliko giipindi gaNgwediva ngoka haga kala ko omumvo kehe no haga hili oyendji okuza kiitopolwa ya yooloka moshilongo.
“Ota tu kumagidha oshigwana shi kwate nawa uukenisa noongondhi dhawo oshowo kehe shoka taya kala yena shongushu oshoka ha kehe gumwe eli mokati kaantu eendela shimwe, onkene oshigwana nashi kale uupathi,’’Ndjadila ta kumagidha ngaaka
Ndjadila okwa ti, opolisi otayi ka tameke nopatololola, okutameka kaapolisi yaali miikutu elalakano limwe oshowo mboka haya kalekepo elandulathano lyomoondjila.
Okwa kumagidha aakwashigwana opo ya longele kumwe nopolisi oshowo aakwashigwana ooyakwawo.
Omupoliko gwopolisi moshitopolwa shaShana Frieda Shikole okwa ti, aakalimo yomoondoolopa Oshakati, Ongwediva nOndangwa, naya longele kumwe onga aashiinda opo ya gamene omagumbo gawo, unene pethimbo ndika oondooolopa dhuudha.
“Lombwela mushiinda shoye kutya oto thigi po egumbo lyoye kaali na omuntu nenge u konge omuntu a kale megumbo lyoye ngele oto yi kefudho,” Shikole ta kumagidha ngaaka.
Shikole okwa pula wo aanamagumbo opo ya lombwele oongundu dhokutonatela pomaushiinda dhoneighborhood kutya otaya zi po,
Okwa pula wo oshigwana opo shi longithe otekinologi yi li ko mwa kwatelwa ndjoka hayi kwatha aantu opo ya mone shoka tashi inyenge momagumbo gawo taya tala koongodhi dhopeke.
Opolisi moshitopolwa shaShana okupitila mopatolola oya manga po aafekelwa mboka yaadhika niinima tayi ulike ya yakwa, ngaashi oTv, okompiyuta yo peke, ethano noongaku.
Oya indile kehe ngoka a kanitha iinima ye, athike po polisi yOshakati nOngwediva a tale ngele iinima oye.
vkaapanda@nepc.com.na
alongekidho gomauliko giipindi gokomumvo ga Ongwediva eli kolutenda.
Omauliko giipindi otaga tameke ongula,tagayi sigo 2nd Sept.
Aauliki yiipindi nomayakulo ya thika 4000 okwa tegelelwa yaka kuthe ombinga momauliko giipindi.
Omunambelewa gwiipambele yoshigwana melelo lyondoolopa ya Ongwediva Jacksom Muma otati omauliko ngaka giipindi inagafa naangoka ga kala nokuunganekwa omimvo dhaka pita.