ONGWEDIVA – Omauliko oipindi mOngwediva osho a tameke nokwa etelela ovanhu vahapu va dja keenhele da yooloka moshilongo nokondje yaNamibia.
Mokati kavo omu na ava ve liameka koikulya yomipafyuululwakalo da yooloka, omidjalo di lili nokulili, oikulya yokongolo naikwao ihapu.
Ovanailongo ava ve li mo vahapu unene Ovatanzania, veli mo tava landifa oikutu yomifyuululwakalo davo, OvaIndonesia otava teleke voo tava landifa ounudle ovo va kwata ko ovatali vahapu ve ya okuondola omesho nomalutu shaashi ohava yandje yoo oukoloni ovo kovatali ve va lole.
Vamwe vomwaava va tauluka eengaba ve ya koNambia ova hokolola kutya omauliko opaipindi aNgwediva ove a tala ko ongoshiima shinene nove wete sha puka ngeenge va dopa okukufa ombinga. Umwe womuvo a pula aha tumbulwe kedina okwa hokolola kutya ova kala nokukufa ombinga momauliko opaipindi aNgwediva eedula dihapu ndele alushe ohashi va endele ashike nawa nove na natango ohokwe oshoyo omukumo wokumona eshi tava kongo.
Ovaondoli vomesho, novalandi vahapu natango ova teelelwa okumboboloka keenhele dihapu da yooloka doshilongo opo ve uye va kufe ombinga. Ava ve li po natango ova lombwela Kundana kutya voo ove udite ombili nova mona omhito iwa yokulihafifa, okushakena nookaume ve va efa nale, nokulanda oinima va li ve i pumbwa kondado iwa.