Omukulunhu fikola kofikola yedina Nevonga primary school moshitukulwa sha Shana Josephine Shaanika, ota pula ekwafo moshiwana leongelo loshimaliwa sholuumbo lofikola, molwa ovanafikola ovo have li teyele mofikola noku vakamo omaliko ofikola. 

Shaanika okwa ti molwa odalate yoluumbo lofikola ei iixupi, ovanafikola ava va kulu vali hava fikola pofikola opo pamwe novanafikola, oha veli teyaulile moluumbo lofikola nokuteya oinima ngaashi omakende, eepomba nakeshe osho shanyika oshitenda, opo veke shilandife pongeshefa yoku tonya oitenda, oyo yashiivika nawa onga “Scrap yard”. 

“Onghalo ili ngaha oya etwa molwa odalate yoluumbo lofikola oyo ixupi, oshoyo omutonateli wamaliko oo tuhena pofikola akale ta kekele oimbuluma yoludi eli,” ta ti. 

Okwa twikila kutya ehalo lavo ngeno ololo vakale vena omutonateli womaliko pofikola, ashike kapena oshimaliwa shokumufuta.“Epulo letu moshiwana paife ngaha oleli kuya ngeno vetu kwafe nakeshe osho venapo, opo tudule oku tunga oluumbo lofikola liye pombada, pamwe tashi takwafa ngaho opo muhaye vali ookalaya mupombo,” ta ti. 

Okwa twikila kutya paife ovena noumbada veli teyele meembonge dofikola, ndele tava vakemo omashina akula okuniinga eekopi, na a kwao a wedwapo. 

Okwa twikila kutya ofikola otai kendabala fiyo opapa tai dulu moku nyanga oshimaliwa, ashike voo itava dulu oku shipondola ngahenya ovo aveke, ova pumbwa ekwafo lakula oku dilila keembonge dakula, oshoyo kovanangeshefa va kula moshiwana. 

Shaanika okwa ti oulunga wokuteya noku vaka oikwatenda mofikola hao ashike hava kala vataalela efiku nefiku. 

“Eshi handi popi ngaha otuna oshikunino shofikola iha shilongo vali shaashi shima sha kunwa oingumutulu, natango ovanafikola ovafeekelwa ava opamwe novakwashiwana onghee ngaho tave li teyelemo efimbo loufiku ndele tava vakemo oinima noku shi hanaunapo,” ta ti. 

Omukulunhu wopolifi moshitukulwa shaShana Naftal Lungameni kwa ti oshibofa sholudi eli ina shilopotwa kopolifi, nongeenge oshaningwa yee momatwi aye ina shifikamo. 

Okwa yelifa kutya ofikola oina oufemba woku lopota kopolifi oshoyo oku patulula oshibofa. 

“Ngeenge ovanhu otava tongo kutya ovafeekelwa ava haveli teyele mofikola ovanafikola ava va djapo nale pofikola oshoyo ovakwashiwana, ngaho oshipu nee nokuli okumona kutya oolye lela, oshoyo oku vatula moipandeko. 

Lungameni okwa yandja yoo elwondelo lakula kovanailonga ava hava longo pee scrap yard vaxulifepo okulanda oinima ngaashi oitolopolwa yopomakende, eepomba, eevili dokeepomba oshoyo eengodi domalusheno, unene ongopolo. 

Okwa ti ovanangeshefa ava ngeenge ova hangika tava landifa oinima yoludi eli, ile tava lande oinima yoludi eli ovena oku kala va patelwamo. 

taimihaihambo2000@gmail.com