Kae MaÞunÿu-Tjiparuro
OTJOMUISE- Nandarire kokutja mena rourumbu mbwahingi ozombura naupandjarisa ovaÞuta ovinamwinyo vyao navengundipara, ohoromende nandarire momaotaotero wayo tjinga aihina otjipwe notjipangise mena rongaro yombwiko ehi muriri, oyo momayandjerero wozomburo, okutuurungira mo ministeri ndjina otjiungura ihi, ndjiri o Ministeri yOtutumbo nOvikunwa, Omeva Nomahwa, maikondjo pumaiyenene okuvatera.
Otjiuru Tjehi, Hage Geingoba, matja mehungi re romazemburukiro oyetja 29 yongutukiro ya Namibia erero pOrutjandja rOngutukiro mOtjomuise. Otjomuyenda muvarwe ovengi okuza pendje nehi pari Otjiuru Tjehi tja Kenya, Uhuru Kenyatta, eye nguri omuzandona womunane omutenga wa Kenya, Jomo Kenyata. Kenyata waperwe ohako ya Namibia indji o Welwitschia Mirrabilus, kongondjero nohambwaraka¿a ye kokutunduuza nokupaimisa ouyara mehi rao ra Kenya.
Okambineta nai yayakurire otjoungura otjiparanga tjokutjuritjakaṋa mouzeu wourumbu tjOzondola za Namibia omangete 572 okuvatera oviwaṋa vyomahi wokozombanda mombura yotjimariva indji o 2019/2020, oyo ndjiri ombura ndjautire omweze imbwi. Oministera yOndjivisiro nOunongo wOvihakaenise, Stanley Simataa, watjivisire nao Oritjatatu. Mokupupapareka ourumbu imbwi muna ombatero novikurya; okuvatera ovaÞuta okutjinda ovinamwinyo vyao; okuvatera ovaÞuta okuyazema omaryo nawina okuvevatera novirasewa.
Simata wahandjaura kutja omapupaparekero wourumbu inga mayetuurungisirwa mOrupa rOtjiwa¿a rOmbatero yOmouzeu kuro oministeri yOndjururiro nOyouveruke nOzombuiro kumazeso okuyandja oviungurisiwa nohambwaraka¿a. Ombatero novitoore okutjindisa ovinamwinyo okutwara komaryo nawina okutoora nayo ovikurya vyovinamwinyo maiyandjwa kovaÞuta. Posya orondu uriri ovaÞuta tjivahenununa otutumbo twawo nganduu kozongombe o 25 nondwezu momuÞuta. “OvaÞuta mbumavevanga okukara navyo kombanda ya nao kavena oku¿i¿ikiziwa kutja ngavevihenunune posya eÞe matuveningire okuhenununa otjivarero nokuyenenea okutjitunga rukwao ongaro tjiyarunduruka,” Simataa matja. Okuyaruka kehungi ra Geingoba matja ngunda ohoromende ayeriyandjera okupanÿera pongunÿe yomausemba wombutiro otja kOngunÿeveta, muwo mumuna ondjeverero yowini womundu kuye omwini, owo tjingewo vepezemburuka nawa ohepero onene yokuhenununa oukaiya mehi. “Ombongarero Oitjavari yEhi yonÿoneno, yari otji¿enge ohepero tjinene momakuruhungi wotjiwa¿a tjetu nomukambo mburiwo katjotjiri kokuÞuna epu rehi mehi retu, nu kunao okukotora onÿengu yovandu vetu.” Matja omatokero ehi ngurimuna nai wevehonga kutja tjingetjo vekare nomerizirira kovitjitwa vyao nu tjivatjiti nao otjimaveyenene okutunga o Namibia romasa, enyinganyinge na ndino mbworo kombanda yaindji ndirinayo nai. “Munao otjitwasere okukara ovawane mongondjero yetu, overiyandjere kombwiro yovandu vetu avehe novakakatere kondungiro yotjiwa¿a tjombwiro nonÿekasasaneno,” Geingoba matja. Matja unongamburiro kokutja ehi mariyenene okukawondja komurungu moporotika, ombwiko nombwiro yaro ndoovazu ovandu avehe maveungura kumwe Otjo Namibia Rimwe, nOtjiwana Tjimwe nokusekamena tjimwe nokunanena munda umwe mombepo yo Harambee nokutwa orusuvero rwehi otjotji¿a otjitenga. “Kangamwa orutanga runa omerizirira okuungura nongamburiro nombwaneno. Omitanda vyetu ngavipewe ombepo yozongutirwa zotjirwa tjetu nuvitungire kotjihorera tjazo amavihoza nokunnyomona ozondunge ozombyuke nu wina ozongarerere,” Geigoba matja.