Ehi mayuva wo ma suviro inga , nu tjinene nene ounepo wo Swapo ya Namibia, omeho wa siririke mo mbongarero yo Komiti yOmondivitivi yo tjira.
Kombunda yo mbongarero yo rutu orukaendise ro viungura vyo tjira okuza keyuva ngaa keyuva, o Political Buro (PB), ndja haamene omayuva wo ma suvisiro ngazuko, ombongarero yo Komiti indji ma yiundjirwa oku yauza ozondiero zo PB zo mbongarero yo ma yuva wo ma suviro ngazuko. Mozo ndiero inÿa muno’ maurukiro wo va varekwa mo viÞo poo ovihavero vine vio kombanda mbanda vio tjira. Operesidenda yo tjira, Nguri Hage Geingoba, eye otja komazeva wo tjira ngu hina wari no mu mupirure mena ro kutja otjihavero ihi katjiri mo ku rarakanewa nandarire po mbongarero onene yotjira o Congress mu Tjikukutu.
Mapetja nai ovihavero mbi ma vi rarakanwa otjoho tjo Peresidenda yOkehi yo tjira, nai tji tjina Netumbo Nandi-Ndaitwah, otja komazeva wo tjira ngu hino kuhepa okuurikwa oku rarakana tjo nu ngwari otjomundu nai nguri mutjo ngu ma rarakana. Warwe ngwa urikirwe oku tji rarakana o Sara Kuugongenlwa-Amadhila. Tjarwe otjo Mutjangerepo, nai tji tjina Sophia Shaningwa, otja nguri mutjo mu rarakana no ku hina kuurikwa rukwao. Warwe ngwa uri kirwe okurarakana kunaye o Armas Amukwiyu.
Posia kape na kuheya kutja opuwo omaurukiro inga kwa tuwa otjikamo konyungu nganduu po Mbongarero onene. Tjinga muhuka ombongarero yo Komiti ama iyene okuza m ova rupa muyo okuurika ovavarekwa varwe movito imbio ovitatu pendje naiho tjo Peresidenda. Otja ko ngoramabo indji o The Namibian yerero, Tom Alweendo, Jerry Ekandjo na Frans Kapofi vatanda okupaha okuurikwa okuza movanarupa vom,bongarero ya muhuka yOkomiti yOmondivitivi okurarakana otjihavero tjo Peresidenda yOkehi.
Nun hapo nongwaye otjihavero tjo Peresidenda yOkehi yo Swapo tji tjiri tji ma tjinana ombango poo tji ma tjimunka ayo otji ma tjirarakanwa tjinene? Omena ro kutja nai ngwaurikwa otjo Peresidenda yOkehi yo Swapo, nu po mbongarero yayo, oyo ndjina omasa no ndiero oseinina ai mu yauza, ongu ma rire omuurikwa wo Swapo mo ku rarakana Ouperesidenda wehi mo ma toorore wOuperesidenda nOunepo wombongareor yOtjiwana wo 2025. No Swapo tji ya taara omatoororero inga arire Otjiru Tjehi.